Foto: today.kz

Oñtüstik Koreyanıñ Pioñçañ qalasında ötip jatqan  qısqı Olimpiada oyındarında Germaniya birinşi orında twr.

16 aqpan küngi nätije boyınşa nemis sportşıları jarıs bastalğalı beri 9 altın, 2 kümis jäne 4 qola medal'dı qanjığağa baylağan. Ekinşi orında 6 altın, 8 kümis jäne 5 qolamen norvegiyalıqtar twr.

Al 6 altın, 5 kümis jäne 3 qola medal'dı jeñip alğan Niderlandı qwraması üşinşi orında. AQŞ sportşıları törtinşi orında, äzirge olardıñ enşisinde 5 altın, 1 kümis jäne 2 qola medal' bar. Üzdik bestikti  4 altın, 5 kümis, 4 qola jeñip alğan Kanada ayaqtap twr.

Al Qazaqstan qwramasında äzirge bir qola medal' bar jäne esep boyınşa 21 orında.

Ayta keteyik, 9 aqpanda bastalğan qısqı Olimpiada oyındarına Qazaqstan  57 joldama jeñip alğan. Sportşılar sporttıñ 9 türinen qatısıp jatır. Oñtüstik Koreyada ötip jatqan bwl oyında älemniñ 90 elinen kelgen 2900 sportşı 102 medal'dı sarapqa saladı.

“The Qazaq Times”