وڭتۇستىك كورەيانىڭ پيوڭچاڭ قالاسىندا ءوتىپ جاتقان قىسقى وليمپيادا ويىندارىندا گەرمانيا ءبىرىنشى ورىندا تۇر.
16 اقپان كۇنگى ناتيجە بويىنشا نەمىس سپورتشىلارى جارىس باستالعالى بەرى 9 التىن، 2 كۇمىس جانە 4 قولا مەدالدى قانجىعاعا بايلاعان. ەكىنشى ورىندا 6 التىن، 8 كۇمىس جانە 5 قولامەن نورۆەگيالىقتار تۇر.
ال 6 التىن، 5 كۇمىس جانە 3 قولا مەدالدى جەڭىپ العان نيدەرلاندى قۇراماسى ءۇشىنشى ورىندا. اقش سپورتشىلارى ءتورتىنشى ورىندا، ازىرگە ولاردىڭ ەنشىسىندە 5 التىن، 1 كۇمىس جانە 2 قولا مەدال بار. ۇزدىك بەستىكتى 4 التىن، 5 كۇمىس، 4 قولا جەڭىپ العان كانادا اياقتاپ تۇر.
ال قازاقستان قۇراماسىندا ازىرگە ءبىر قولا مەدال بار جانە ەسەپ بويىنشا 21 ورىندا.
ايتا كەتەيىك، 9 اقپاندا باستالعان قىسقى وليمپيادا ويىندارىنا قازاقستان 57 جولداما جەڭىپ العان. سپورتشىلار سپورتتىڭ 9 تۇرىنەن قاتىسىپ جاتىر. وڭتۇستىك كورەيادا ءوتىپ جاتقان بۇل ويىندا الەمنىڭ 90 ەلىنەن كەلگەن 2900 سپورتشى 102 مەدالدى ساراپقا سالادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى