foto: CNN

36 jastağı videobloger Ben Bennayt (Ben Bennight) qırküyekte yutubta jariyalağan videoğa bireudiñ qorqınıştı komment qaldırğanın bayqap, birden Federaldı barlau byurosına (FBB) habarlasqanın ayttı,- dep habarlaydı CNN aqparat agenttigi.

"Men käsibi mektep mergeni bolamın" degen kommentti Nikolas Kruz esimdi jigit qaldırıptı. Särsenbi küni Floridadağı Marjory Stoneman Douglas joğarı mektebinde 17 adamdı atıp öltirgen küdiktiniñ de esimi Nikolas Kruz (Nicolas Cruz).

Bennayt SNN-men bölisken kommenttiñ skrinşotın jasap, FBB-nıñ poştasına jiberdim dep oylağan. Biraq ol poşta qate bolıp şıqqan. Sodan keyin Ben FBB-ğa habarlasıp,  yutubtağı kommentti alıp tastauğa mäjbür bolğan.

Bennayttıñ aytuınşa, FBB-nıñ Missisipidegi bölimşesiniñ qızmetkerleri onıñ keñsesine kelip, biraz äñgimelesken. Biraq Ben bwl akkaunt iesi kim ekenin, ol turalı eşnärse bilmeytinin aytqan. Osı särsenbide bolğan oqiğağa deyin Ben byuro qızmetkerlerin sodan keyin körmegen.

FBB-nıñ Mayamidegi bölimşesine jauaptı arnayı agent Robert Laski (Robert Lasky) baspasöz konferenciyasında bölimşege ötken jılı yutubtağı kommentke baylanıstı bir şağım tüskenin rastadı. "Kommentti jariyalağan akkaunttıñ şınayı iesi, onı qaydan jäne qaşan jariyalağanı turalı eşqanday aqparat kelip tüspedi. Tekseris barısında da FBB ol akkaunt iesin anıqtay almadı", - dedi.

Särsenbidegi qayğılı oqiğadan keyin FBB qızmetkeri Bennaytqa habarlasıp, qırküyektegi kommentke baylanıstı jağdaydıñ män-jayın qayta swrastıradı.

Ben "Äleumettik jelide jañalıqtar qarap otırğanımda mekteptegi jayttı közim şalıp qaldı, biraq oğan aytarlıqtay män bermeppin. Keyinnen FBB habarlasıp, küdiktiniñ esimi kezinde meniñ videomnıñ astına kommentti qaldırğan akkaunt atımen birdey ekenin ayttı. Qazirgi onlayn-älemde kimniñ naqtı ne istep jürgenin qosımşa aqparatsız anıqtau qiın ekenin bilemin, biraq atalğan kommentke dwrıstap nazar audarıp, jañağı akkaunttıñ iesin tabuğa tırısıp, onı birşama uaqıt baqılauğa alğanda mwnday jağday orın almas pa edi" , - deydi.

“The Qazaq Times”