foto: en.wikipedia.org

Wlıbritaniya parlament müşesi Londonda anti-Katar konferenciyasın wyımdastıru üşin 20 700 AQŞ dollar (15 mıñ funt) alğan, - dep mälimdeydi Buzzfeed aqparat agenttigi.

Daniel' Kaçinski (Daniel Kawczynski) konferenciyağa "tek Katar oppoziciyası turalı biluge baramın" degenine qaramastan, atalğan qarajattı qaltasına basıp alğan körinedi.

Jahandıq Twraqtılıq jäne Qauipsizdik konferenciyası qırküyekte Katarda Saud Arabiyası bastağan elder tobına Katardıñ jariyalağan diplomatiyalıq boykotı fonında  ötken bolatın.

Atap aytqanda, Birikken Arab Ämirlikteri, Bahreyn jäne Mısır Katarğa "terrorizmdi" qoldağanı jäne olardıñ aymaqtağı negizgi qarsılastarı - Iranmen baylanısqanı üşin ayıp tağıp, barlıq qarım-qatınasın üzgen bolatın. Doha (Doha) bwl ayıptardı joqqı şığardı.

Katardıñ "terrorlıq toptarğa demeuşilik körsetui" Londondağı konferenciyanıñ bastı taqırıptarınıñ biri boldı.

Konferenciyanı Katar wlttıq demokratiyalıq partiyasınıñ negizin qalauşı, şığanaqta ornalasqan elderdegi rejimniñ özgeruin qoldaytın 29 jastağı Halid al'-Hail (Khalid al-Hail) wyımdastırdı.

Sarapşılar bir jağınan konferenciyanı Katardağı köterilisti qoldau üşin wyımdastırılğan boluı mümkin ekendigin aytıp, Saud Arabiyası men BAÄ-ni ayıptaydı.

Kaçinski monarhiyanı qoldap-qolpaştau äreketteri üşin "Saud Arabiyanıñ qwrmetti azamatı" atağına ie bolıp, Hail jwbayı Tat'yana Giskanıñ (Tatiana Gisca) kompaniyasınan 7500 funt köleminde 2 ret tölem alğanı jaylı mälimdeme jasadı.

Biraq ol mälimdemede tölemaqı qanday konferenciyağa nemese taqırıpqa baylanıstı jürgizilgeni turalı eşnärse aytılmadı. Kaçinski Saud Arabiyanıñ nemese BAÄ-niñ konferenciyanı qarjılandırğanına senbeytinin ayttı.

Sonımen qatar Kaçinski: "Rasımen qızıq konferenciya boldı jäne mağan sonda söz söyleu bwyırdı. Tölemaqılardı uaqıtında tirkedim. Sizderdiñ boljamdarıñız qate, joq jerden dau şığaruğa tırısıp jatırsızdar", - dedi.

Hail da Katardıñ aymaqtağı qarsılastarınan qanday da bir qarajat alğanın joqqa şığardı.

“The Qazaq Times”