An-148 wşağı. Foto: Delfi.

Jeksenbide bolğan qayğılı oqiğa turalı älemdik aqparat qwraldarı jazıp jatır. Keşe tüsten keyin Mäskeuden Orsk qalasına jol alğan An-148 wşağı äuege köterilip birneşe minuttan keyin apatqa wşıradı. Wşaqta 6 ekipaj müşesi 65 jolauşı bolğan.  Äue apatınan qirağan wşaq qaldıqtarı Ramenskiy aymağınan tabıldı. Aldın ala berilgen mälimetterden wşaqtağılar tügeldey qaza tapqan.

Habarlarğa qarağanda Mäskeu uaqıtımen 14 sağat 21 minutta keñistikke köterilgen wşaqtan birneşe minuttan keyin baylanıs üzilgen. Atalğan wşaqtıñ tüsiniksiz jağdayda apatqa wşırağanın "Flightradar" saytı jazdı. An-148 wşağı äuege köterilgennen keyin sağatına 600 şaqırımdıq jıldamdıqpen 1800 metr biiktikte wşıp bara jatıp, tosın jağdayda  1500 metrge deyin tömendep ketedi. Birtindep 1800 metr biiktikke qayta köterilgen, alayda osıdan keyin birden jerge qwlaydı. 900 metrge deyin tömendegennen soñ radardan joğalıp ketedi.

Keybir aqparat közderi özge bir tikwşaqpen qaqtığısqan boluı mümkin degen de boljamdar ayttı. Alayda, bwl söz rastalmadı.

Reseylik qauipsizdik tarauları bwl oqiğanıñ üstinen qılmıstıq is qozğap otır. "Saratov äue jolı" kompaniyasın da qatañ tekseris kütip twr. Degenmen, qazirge deyin wşaq apatınıñ naqtı sebebi twraqtandırılmadı. Dese de, keybir basılımdar aqparat közderine silteme berip, "wşaq qozğaltqışınıñ istemey qalğanı apattıñ bastı sebebi" dep körsetti.

Mash arnası da osı pikirdi quattaydı. Arnanıñ taratqan habarında "wşaqtıñ qozğaltqıştarınıñ biri isten şığıp, tepe-teñdik saqtay almay apatqa wşıradı" dedi.

An-148 - Resey men Ukraina birlesip şığarğan wşaq. Keyingi kezderi bwl wşaqtı Resey önirip keligen, alayda, Resey men Ukraina arasındağı janjaldan keyin bwnday ülgidegi wşaqtardı öndiru toqtap qalğan. Bwl ret apatqa wşırağan wşaqtı 2010 jılı jasap şığarğan aviaqwrılıs käsipornına da tekseru komissiyası attandı.

“The Qazaq Times”