The Guardian basılımı Daniyanıñ Ädilet Ministriniñ sözin negizge alıp, "adam betin tolıq jauıp twratın kiim Daniya halqınıñ qwndılıqtarına say kelmeydi" dep jazdı.

Daniya ükimeti betti tolıq jauıp twratın islamdıq kiimdi qoğamdıq jerlerde kiyuge tıyım saludı wsındı. "Qoğamdıq orındarda adamdarmen kezdeskende bet-älpetiñdi körsetpeudi Daniya qoğamınıñ qwndılıqtarımen sanaspau dep tüsinemiz. Sebebi Daniyada adammen betpe-bet söylesu arqılı biz bir-birimizge degen senim men qwrmetti bildiremiz" - deydi Ädilet Ministri.

Bwl wsınıs äzirge ükimettik emes wyımdar tarapınan tüsip otır. Köktemde ortalıq-qwqıq ükimeti mwnı zañ jüzinde qabıldaudı parlamentke wsınbaq. Eldegi antiimigraciyalıq partiya qoldauımen zañ qabıldanadı dep kütilude.

Atalğan zañğa bir ret bağınbağan adamğa mıñ kron (120 euro), eki jäne tağı birneşe märte qaytalasa 10 mıñ kron ayıppwl salınadı.

Ötken jılı Adam qwqıqtarı jönindegi Europalıq Sot Bel'giyada qoğamdıq orındarda betti twmşalap jauıp twratın kiim kiyuge tıyım saldı.

Franciya qoğamdıq orındarda nikab kiyuge tıyım salğan alğaşqı Europa eli (2011 jıl). Al 2013 jılı Ispaniya Joğarğı Sotı kerisinşe, däl osınday zañnıñ küşin joydı.

“The Qazaq Times”