The Guardian باسىلىمى دانيانىڭ ادىلەت ءمينيسترىنىڭ ءسوزىن نەگىزگە الىپ، "ادام بەتىن تولىق جاۋىپ تۇراتىن كيىم دانيا حالقىنىڭ قۇندىلىقتارىنا ساي كەلمەيدى" دەپ جازدى.

دانيا ۇكىمەتى بەتتى تولىق جاۋىپ تۇراتىن يسلامدىق كيىمدى قوعامدىق جەرلەردە كيۋگە تىيىم سالۋدى ۇسىندى. "قوعامدىق ورىنداردا ادامدارمەن كەزدەسكەندە بەت-الپەتىڭدى كورسەتپەۋدى دانيا قوعامىنىڭ قۇندىلىقتارىمەن ساناسپاۋ دەپ تۇسىنەمىز. سەبەبى دانيادا اداممەن بەتپە-بەت سويلەسۋ ارقىلى ءبىز ءبىر-بىرىمىزگە دەگەن سەنىم مەن قۇرمەتتى بىلدىرەمىز" - دەيدى ادىلەت ءمينيسترى.

بۇل ۇسىنىس ازىرگە ۇكىمەتتىك ەمەس ۇيىمدار تاراپىنان ءتۇسىپ وتىر. كوكتەمدە ورتالىق-قۇقىق ۇكىمەتى مۇنى زاڭ جۇزىندە قابىلداۋدى پارلامەنتكە ۇسىنباق. ەلدەگى انتيميگراتسيالىق پارتيا قولداۋىمەن زاڭ قابىلدانادى دەپ كۇتىلۋدە.

اتالعان زاڭعا ءبىر رەت باعىنباعان ادامعا مىڭ كرون (120 ەۋرو), ەكى جانە تاعى بىرنەشە مارتە قايتالاسا 10 مىڭ كرون ايىپپۇل سالىنادى.

وتكەن جىلى ادام قۇقىقتارى جونىندەگى ەۋروپالىق سوت بەلگيادا قوعامدىق ورىنداردا بەتتى تۇمشالاپ جاۋىپ تۇراتىن كيىم كيۋگە تىيىم سالدى.

فرانتسيا قوعامدىق ورىنداردا نيكاب كيۋگە تىيىم سالعان العاشقى ەۋروپا ەلى (2011 جىل). ال 2013 جىلى يسپانيا جوعارعى سوتى كەرىسىنشە، ءدال وسىنداي زاڭنىڭ كۇشىن جويدى.

“The Qazaq Times”