فوتو: ft.com

كەلەسى جىلدان باستاپ گەرمانيانىڭ "Daimler" قاراماعىنداعى "Mercedes-Benz" سياقتى ۇلكەن ينجەنەرلىك كومپانيالار اپتاسىنا 28 ساعات جۇمىس ىستەيدى، - دەپ حابارلايدى CNN اقپارات اگەنتتىگى.

وسى ماسەلەگە بايلانىستى گەرمانيانىڭ وڭتۇستىك-باتىسىنداعى 700-دەن استام كومپانيا وكىلدەرىمەن كەلىسسوزدەر جۇرگىزىلدى. "Manulife Asset Management" كومپانياسىنىڭ باس ەكونوميسى "بۇل وزگەرىس جالپىعا ورتاق ستاندارتتاردى ەنگىزەدى" دەيدى.

گەرمانيا كاسىپوداعى "IG Metall"-دىڭ مالىمدەۋىنشە، جۇمىس ۋاقىتىنىڭ قىسقارۋى قىزمەتكەرلەرگە جاقىندارىمەن كوبىرەك ۋاقىت وتكىزۋگە مۇمكىندىك بەرەدى. جۇمىس ۋاقىتىنىڭ 28 ساعاتقا قىسقارۋى سەبەبىنەن قىزمەتكەرلەر جالاقىسى دا ازايادى. دەگەنمەن، كوبىرەك جۇمىس ىستەپ، كوبىرەك اقشا تابام دەگەندەرگە بۇرىنعىداي اپتاسىنا 40 ساعات جۇمىس ىستەۋگە بولاتىن كورىنەدى.

"Daimler" 28 ساعاتتىق جۇمىس رەجيمىنە 2019 جىلدان باستاپ كوشەتىنىن حابارلادى. ال 138 مىڭ ادامدى جۇمىسپەن قامتاماسىز ەتىپ وتىرعان گەرمانيالىق "Bosch" قازىردىڭ وزىندە قىزمەتكەرلەرىنە 100-گە جۋىق جۇمىس مودەلدەرىن ۇسىنادى. كومپانيا حاتشىسى Simon Schmitt-تىڭ ايتۋىنشا،  جۇمىس ۋاقىتىن 28 ساعاتقا قىسقارتقان كۇننىڭ وزىندە دە، "Bosch" قىزمەتكەرلەرىنىڭ ەڭبەكاقىسىن ازايتپايدى.

جۇمىسشىلار اسسوتسياتسياسى "Südwestmetall" حاتشىسى - فولكە شتاينمەيە (Volker Steinmaier) "بۇل وزگەرىس كەيبىر كومپانيالارعا قيىن سوعادى، سەبەبى جۇمىس ساعاتى قىسقارسا، ەڭبەك ونىمدىلىگى دە تومەندەيدى. قىزمەتكەرلەر كوبىرەك تابىس تابۋ ءۇشىن قوسىمشا جۇمىس ىستەيتىندەرى انىق" دەگەن.

“The Qazaq Times”