фото: ft.com

Келесі жылдан бастап Германияның "Daimler" қарамағындағы "Mercedes-Benz" сияқты үлкен инженерлік компаниялар аптасына 28 сағат жұмыс істейді, - деп хабарлайды CNN ақпарат агенттігі.

Осы мәселеге байланысты Германияның оңтүстік-батысындағы 700-ден астам компания өкілдерімен келіссөздер жүргізілді. "Manulife Asset Management" компаниясының бас экономисі "Бұл өзгеріс жалпыға ортақ стандарттарды енгізеді" дейді.

Германия кәсіподағы "IG Metall"-дың мәлімдеуінше, жұмыс уақытының қысқаруы қызметкерлерге жақындарымен көбірек уақыт өткізуге мүмкіндік береді. Жұмыс уақытының 28 сағатқа қысқаруы себебінен қызметкерлер жалақысы да азаяды. Дегенмен, көбірек жұмыс істеп, көбірек ақша табам дегендерге бұрынғыдай аптасына 40 сағат жұмыс істеуге болатын көрінеді.

"Daimler" 28 сағаттық жұмыс режиміне 2019 жылдан бастап көшетінін хабарлады. Ал 138 мың адамды жұмыспен қамтамасыз етіп отырған германиялық "Bosch" қазірдің өзінде қызметкерлеріне 100-ге жуық жұмыс модельдерін ұсынады. Компания хатшысы Simon Schmitt-тың айтуынша,  жұмыс уақытын 28 сағатқа қысқартқан күннің өзінде де, "Bosch" қызметкерлерінің еңбекақысын азайтпайды.

Жұмысшылар ассоциациясы "Südwestmetall" хатшысы - Фолкэ Штайнмэйэ (Volker Steinmaier) "бұл өзгеріс кейбір компанияларға қиын соғады, себебі жұмыс сағаты қысқарса, еңбек өнімділігі де төмендейді. Қызметкерлер көбірек табыс табу үшін қосымша жұмыс істейтіндері анық" деген.

“The Qazaq Times”