Foto: euronews.com

2018 jıldıñ 20 qañtarında mıñdağan rumındıq eldiñ zañ jüyesin qayta qwru jobasına qarsı narazılıqtarın bildirdi. Bwl ötken jıldan beri ükimetke qarsı jalğasıp kele jatqan köterilisterdiñ soñğısı, - dep habarlaydı Euronews aqparat agenttigi.

Qazirgi tañda Rumıniyanıñ köptegen jetekşi sayasatkerlerine qatıstı jemqorlıq, salıqtan jaltaru nemese EO qorların alayaqtıq maqsatta paydalanğanı üşin tergeu jwmıstarı jürgizilip jatır. Sol sebepti däl osı zañ şığaruşı bilik zañ jüyesin qayta qwru arqılı olardı jauapkerşilikke tartudı közdeytin körinedi.

Eldegi jemqorlıqtıñ deñgeyin tömendetu jolında küresip jürgen "Jemqorlıqqa qarsı direktorat" (Romanian Anti-Corruption Directorate) tergeuşileri soñğı 5 jılda 1 prem'er-ministrdi, prem'er-ministrdiñ 2 orınbasarın, 11 ministrdi jäne 50-den astam parlament müşelerin qosqanda 70-ten astam adamdı temir tordıñ ar jağına jiberdi. Direktorat basşısı - Laura Kovesi (Laura Kovesi): "Zañ jüyesin qayta qwru wsınısı reforma qajettilikterine negizdelmegen. Şın mäninde jemqorlıq äbden jaulap alğan zañ şığaruşı bilik özin direktorattan qorğap qalğısı keledi. Mısalı, tergeu jwmıstarında dälelderge köp jağdayda arnayı operaciyalar kezinde qol jetkizemiz. Al qazir olar bizge osınday arnayı operaciyalar jürgizbeudiñ barlıq amaldarın qarastırıp jatır. Bwl tek bizdiñ jemqorlıqqa qarsı küresimizge ğana emes, esirtki, adam  tasımalı,  jäne kiberqılmıspen küresetinderdiñ da jwmısına keri äserin tigizetini anıq" - degen bolatın.

Rumıniyadağı tergeu jwmıstarın jürgizetin jurnalister tobınıñ jetekşisi, zertteuşi  Attila Biro (Attila Biro) Euronews-ke bergen swhbatında: Negizgi äñgime eldegi eñ ıqpaldı sayasatker, jergilikti qayta qwru kompaniyası Tel' Dramdı (Tel Drum) öz baqılauına alğan Liviu Dragnya (Liviu Dragnea) jaylı bolıp otır. Rumıniyanıñ qwpiya qızmeti dayındağan esep mälimetine süyensek, atalğan qayta qwru kompaniyasına jergilikti jäne wlttıq byudjetten jüzdegen mln euro qarjı jiberilip otırğan. Sonımen qatar, memlekettik jäne jergilikti byudjetten Tel' Dramğa audarılğan 400 mln euronıñ belgili böligi Dragnyanıñ dostarına jäne wlına jiberilgen, - dedi. Dragnya öz kezeginde joğarıdağı ayıpqa "bwl mağan emes, tikeley ükimetke qarsı şığu" dep jauap berdi.

“The Qazaq Times”