رۋمىندىقتار ادىلەتتىك ءۇشىن كوتەرىلىسكە شىقتى

2018 جىلدىڭ 20 قاڭتارىندا مىڭداعان رۋمىندىق ەلدىڭ زاڭ جۇيەسىن قايتا قۇرۋ جوباسىنا قارسى نارازىلىقتارىن ءبىلدىردى. بۇل وتكەن جىلدان بەرى ۇكىمەتكە قارسى جالعاسىپ كەلە جاتقان كوتەرىلىستەردىڭ سوڭعىسى، - دەپ حابارلايدى Euronews اقپارات اگەنتتىگى.

قازىرگى تاڭدا رۋمىنيانىڭ كوپتەگەن جەتەكشى ساياساتكەرلەرىنە قاتىستى جەمقورلىق، سالىقتان جالتارۋ نەمەسە ەو قورلارىن الاياقتىق ماقساتتا پايدالانعانى ءۇشىن تەرگەۋ جۇمىستارى جۇرگىزىلىپ جاتىر. سول سەبەپتى ءدال وسى زاڭ شىعارۋشى بيلىك زاڭ جۇيەسىن قايتا قۇرۋ ارقىلى ولاردى جاۋاپكەرشىلىككە تارتۋدى كوزدەيتىن كورىنەدى.

ەلدەگى جەمقورلىقتىڭ دەڭگەيىن تومەندەتۋ جولىندا كۇرەسىپ جۇرگەن "جەمقورلىققا قارسى ديرەكتورات" (Romanian Anti-Corruption Directorate) تەرگەۋشىلەرى سوڭعى 5 جىلدا 1 پرەمەر-ءمينيستردى، پرەمەر-ءمينيستردىڭ 2 ورىنباسارىن، 11 ءمينيستردى جانە 50-دەن استام پارلامەنت مۇشەلەرىن قوسقاندا 70-تەن استام ادامدى تەمىر توردىڭ ار جاعىنا جىبەردى. ديرەكتورات باسشىسى - لاۋرا كوۆەسي (Laura Kovesi): "زاڭ جۇيەسىن قايتا قۇرۋ ۇسىنىسى رەفورما قاجەتتىلىكتەرىنە نەگىزدەلمەگەن. شىن مانىندە جەمقورلىق ابدەن جاۋلاپ العان زاڭ شىعارۋشى بيلىك ءوزىن ديرەكتوراتتان قورعاپ قالعىسى كەلەدى. مىسالى، تەرگەۋ جۇمىستارىندا دالەلدەرگە كوپ جاعدايدا ارنايى وپەراتسيالار كەزىندە قول جەتكىزەمىز. ال قازىر ولار بىزگە وسىنداي ارنايى وپەراتسيالار جۇرگىزبەۋدىڭ بارلىق امالدارىن قاراستىرىپ جاتىر. بۇل تەك ءبىزدىڭ جەمقورلىققا قارسى كۇرەسىمىزگە عانا ەمەس، ەسىرتكى، ادام  تاسىمالى،  جانە كيبەرقىلمىسپەن كۇرەسەتىندەردىڭ دا جۇمىسىنا كەرى اسەرىن تيگىزەتىنى انىق" - دەگەن بولاتىن.

رۋمىنياداعى تەرگەۋ جۇمىستارىن جۇرگىزەتىن جۋرناليستەر توبىنىڭ جەتەكشىسى، زەرتتەۋشى  اتتيلا بيرو (Attila Biro) Euronews-كە بەرگەن سۇحباتىندا: نەگىزگى اڭگىمە ەلدەگى ەڭ ىقپالدى ساياساتكەر، جەرگىلىكتى قايتا قۇرۋ كومپانياسى تەل درامدى (Tel Drum) ءوز باقىلاۋىنا العان ليۆيۋ دراگنيا (Liviu Dragnea) جايلى بولىپ وتىر. رۋمىنيانىڭ قۇپيا قىزمەتى دايىنداعان ەسەپ مالىمەتىنە سۇيەنسەك، اتالعان قايتا قۇرۋ كومپانياسىنا جەرگىلىكتى جانە ۇلتتىق بيۋدجەتتەن جۇزدەگەن ملن ەۋرو قارجى جىبەرىلىپ وتىرعان. سونىمەن قاتار، مەملەكەتتىك جانە جەرگىلىكتى بيۋدجەتتەن تەل درامعا اۋدارىلعان 400 ملن ەۋرونىڭ بەلگىلى بولىگى دراگنيانىڭ دوستارىنا جانە ۇلىنا جىبەرىلگەن، - دەدى. دراگنيا ءوز كەزەگىندە جوعارىداعى ايىپقا "بۇل ماعان ەمەس، تىكەلەي ۇكىمەتكە قارسى شىعۋ" دەپ جاۋاپ بەردى.

“The Qazaq Times”