Fidel Kastro jäne Fidel' Anhel' Kastro Dias-Balart. Foto: BBC.

Kubanıñ jergilikti aqparat qwraldarı  Fidel' Kastronıñ ülken wlı 68 jastağı Fidel' Anhel' Kastro Dias-Balart öz özine qol salğanın habarladı. BBC-diñ habarına qarağanda soñğı aylarda Kastro Dias-Balart auır depressiyağa şaldığıp, arnayı därigerler qarağan. Alğaşında auruhanada emdelip, keyin üyinde  em qabıldağan. 

Kastro Dias-Balart otandastarı Fidelito dep ataydı. Bwl onıñ äkesi Fidel' Kastroğa qattı wqsaytınına qaratılğan. Al  äkesi bolsa Kuba revolyuciyasınıñ jetekşisi Fidel' Kastro 2016 jılı qaraşa ayında 90 jasında  köz jwmğan. Ol densaulıq jağdayına baylanıstı sodan on jıl bwrın memlekettik qızmetten şegingen bolatın.

Fidel' Anhel' Kastro Dias-Balart. Foto: www.anews.com.

Fidel' Anhel' Kastro Dias-Balart 1949 jılı Gavana düniege kelgen. 1968 jılı Voronej universitetine oquğa tapsırıp, eki jıldan keyin Mäskeu universitetinde bilim alğan. Ol Keñes odağında Hose Raul' attı bürkenşik atpen jürgen jäne yadrolıq fizika mamandığı boyınşa oqu bitirgen. Keñes odağı twsında Hose Raul' atımen ğılımi eñbekter de jariyalağan.

Soñğı jıldarı ol Kuba Memlekettik keñesinde ğılımi keñesşi qızmetin jäne Kuba Ğılım akademiyasınıñ prezidentiniñ orınbasarı sındı mindetter atqarğan. Ol öz äkesiniñ biligine mwrager boludı qalamağan jäne sayasatqa da aralaspağan. Ol bwl turalı: «Bir otbası adamdarı bolsaq ta, ärkimniñ wqsamağan tağdırı bar, sondıqtan biz özimizdiñ taldağan jolımızben jürdik», – degen.

 “The Qazaq Times