كۋبانىڭ جەرگىلىكتى اقپارات قۇرالدارى فيدەل كاسترونىڭ ۇلكەن ۇلى 68 جاستاعى فيدەل انحەل كاسترو دياس-بالارت ءوز وزىنە قول سالعانىن حابارلادى. BBC-ءدىڭ حابارىنا قاراعاندا سوڭعى ايلاردا كاسترو دياس-بالارت اۋىر دەپرەسسياعا شالدىعىپ، ارنايى دارىگەرلەر قاراعان. العاشىندا اۋرۋحانادا ەمدەلىپ، كەيىن ۇيىندە ەم قابىلداعان.
كاسترو دياس-بالارت وتانداستارى فيدەليتو دەپ اتايدى. بۇل ونىڭ اكەسى فيدەل كاستروعا قاتتى ۇقسايتىنىنا قاراتىلعان. ال اكەسى بولسا كۋبا رەۆوليۋتسياسىنىڭ جەتەكشىسى فيدەل كاسترو 2016 جىلى قاراشا ايىندا 90 جاسىندا كوز جۇمعان. ول دەنساۋلىق جاعدايىنا بايلانىستى سودان ون جىل بۇرىن مەملەكەتتىك قىزمەتتەن شەگىنگەن بولاتىن.
فيدەل انحەل كاسترو دياس-بالارت. فوتو: www.anews.com.
فيدەل انحەل كاسترو دياس-بالارت 1949 جىلى گاۆانا دۇنيەگە كەلگەن. 1968 جىلى ۆورونەج ۋنيۆەرسيتەتىنە وقۋعا تاپسىرىپ، ەكى جىلدان كەيىن ماسكەۋ ۋنيۆەرسيتەتىندە ءبىلىم العان. ول كەڭەس وداعىندا حوسە راۋل اتتى بۇركەنشىك اتپەن جۇرگەن جانە يادرولىق فيزيكا ماماندىعى بويىنشا وقۋ بىتىرگەن. كەڭەس وداعى تۇسىندا حوسە راۋل اتىمەن عىلىمي ەڭبەكتەر دە جاريالاعان.
سوڭعى جىلدارى ول كۋبا مەملەكەتتىك كەڭەسىندە عىلىمي كەڭەسشى قىزمەتىن جانە كۋبا عىلىم اكادەمياسىنىڭ پرەزيدەنتىنىڭ ورىنباسارى سىندى مىندەتتەر اتقارعان. ول ءوز اكەسىنىڭ بيلىگىنە مۇراگەر بولۋدى قالاماعان جانە ساياساتقا دا ارالاسپاعان. ول بۇل تۋرالى: «ءبىر وتباسى ادامدارى بولساق تا، اركىمنىڭ ۇقساماعان تاعدىرى بار، سوندىقتان ءبىز ءوزىمىزدىڭ تالداعان جولىمىزبەن جۇردىك»، – دەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟