Foto: TNW

Facebook äleumettik jelisi özinde  kriptovalyuta, İSO jäne binarlı opciyalar turalı jarnama jasauğa tıyım saldı. Bwl turalı äleumettik jeliniñ resmi paraqşasında habarlandı. 

"Binarlı opciyalar men kriptovalyuta siyaqtı jalğan nemese aldamşı tehnologiyalarmen baylanısı bar qarjı önimderi men qızmetterdi jarnamalauğa tıyım saludı engizip jatırmız", - deydi Facebook kompaniyasınıñ önimderdi basqaru jönindegi direktorı Rob Koyn.

Kompaniya atap ötkendey, olar qoldanuşılardıñ alayaqtıqtan qorıqpay-aq, Facebook-ta beriletin jarnamalar arqılı jaña önimder men qızmet türlerin bilip otırğanın qalaydı eken.

"Degenmen, qazirgi kezde adal jolmen jwmıs istemeytin binarlı opciyalardı, ICO jäne kriptovalyutalardı jarnamalaytın köptegen kompaniyalar bar", - delingen habarlamada.

Äleumettik top-menedjerleriniñ sözinşe, olar opciyalar men kriptovalyutalar turalı ärbir jariyalanımdı baqılap otıra almaydı, sondıqtan qoldanuşılardı özderine kömekke şaqırıp otır.

Al aldağı uaqıtta joğarıda atalğan jarnama sayasatı Instagram-ğa paydalanılatın boladı.

“The Qazaq Times”