Foto: Getty Images

Kirispe

2016 jılı AQŞ-ta ötken Prezident saylauı kezinde Donal'd Tramp jeñiske jetti. Osıdan keyin AQŞ-tıñ barlau agenttikteri jañadan saylanğan memleket basşısınıñ jeñisin Reseydiñ astırtın qoldauımen baylanıstırıp, Mäskeudi "Amerikada ötken Prezident saylauına aralastı" dep ayıptadı.

Dälelder bar ma?

Donal'd Tramp komandasınıñ negizgi müşeleri Reseydiñ resmi ökilderimen kezdesken. Ol kezdesulerdiñ birqatarı tergeu bastalğanğa deyin jasırın bolıp keldi.

Qanday kezdesuler bolğan?

AQŞ-tıñ Wlttıq qauipsizdik jönindegi bwrınğı keñesşisi Maykl Flin Donal'd Tramp Prezident lauazımın almas bwrın, Reseydiñ AQŞ-tağı elşisimen kezdesken. Ol Federaldı barlau qızmetinen bwl derekti jasırıp qalğan.

Donal'd Tramptıñ wlı Prezidenttiñ saylaualdı nauqanı kezinde qolında Hilari Klintonqa qarsı ayğaqtar bar reseylik qorğauşımen kezdeskeni belgili boldı. AQŞ Prezidentiniñ bwrınğı keñesşisi Djordj Papadopulos ta öziniñ birqatar reseylik twlğalarmen wşırasqanın mälimdedi.

Bwl iske tağı kimderdiñ qatısı bar?

Donal'd Tramptıñ küyeu balası Djared Kuşner birneşe ret tergeuge şaqırıldı. Sonımen qatar Donal'd Tramptıñ osı istiñ tağı bir figurantı, Federaldı barlau qızmetiniñ bwrınğı basşısı Djeyms Komidi qızmetinen bosatuı qızu talqılauğa wşıradı.

Bwl is boyınşa zertteu äli de jalğasıp jatır jäne Donal'd Tramptıñ Reseydiñ dauıs jinauğa tikeley atsalısuımen  Prezident bolğanı däleldengen joq.

“The Qazaq Times”