فوتو: Getty Images

كىرىسپە

2016 جىلى اقش-تا وتكەن پرەزيدەنت سايلاۋى كەزىندە دونالد ترامپ جەڭىسكە جەتتى. وسىدان كەيىن اقش-تىڭ بارلاۋ اگەنتتىكتەرى جاڭادان سايلانعان مەملەكەت باسشىسىنىڭ جەڭىسىن رەسەيدىڭ استىرتىن قولداۋىمەن بايلانىستىرىپ، ماسكەۋدى "امەريكادا وتكەن پرەزيدەنت سايلاۋىنا ارالاستى" دەپ ايىپتادى.

دالەلدەر بار ما؟

دونالد ترامپ كومانداسىنىڭ نەگىزگى مۇشەلەرى رەسەيدىڭ رەسمي وكىلدەرىمەن كەزدەسكەن. ول كەزدەسۋلەردىڭ بىرقاتارى تەرگەۋ باستالعانعا دەيىن جاسىرىن بولىپ كەلدى.

قانداي كەزدەسۋلەر بولعان؟

اقش-تىڭ ۇلتتىق قاۋىپسىزدىك جونىندەگى بۇرىنعى كەڭەسشىسى مايكل فلين دونالد ترامپ پرەزيدەنت لاۋازىمىن الماس بۇرىن، رەسەيدىڭ اقش-تاعى ەلشىسىمەن كەزدەسكەن. ول فەدەرالدى بارلاۋ قىزمەتىنەن بۇل دەرەكتى جاسىرىپ قالعان.

دونالد ترامپتىڭ ۇلى پرەزيدەنتتىڭ سايلاۋالدى ناۋقانى كەزىندە قولىندا حيلاري كلينتونقا قارسى ايعاقتار بار رەسەيلىك قورعاۋشىمەن كەزدەسكەنى بەلگىلى بولدى. اقش پرەزيدەنتىنىڭ بۇرىنعى كەڭەسشىسى دجوردج پاپادوپۋلوس تا ءوزىنىڭ بىرقاتار رەسەيلىك تۇلعالارمەن ۇشىراسقانىن مالىمدەدى.

بۇل ىسكە تاعى كىمدەردىڭ قاتىسى بار؟

دونالد ترامپتىڭ كۇيەۋ بالاسى دجارەد كۋشنەر بىرنەشە رەت تەرگەۋگە شاقىرىلدى. سونىمەن قاتار دونالد ترامپتىڭ وسى ءىستىڭ تاعى ءبىر فيگۋرانتى، فەدەرالدى بارلاۋ قىزمەتىنىڭ بۇرىنعى باسشىسى دجەيمس كوميدى قىزمەتىنەن بوساتۋى قىزۋ تالقىلاۋعا ۇشىرادى.

بۇل ءىس بويىنشا زەرتتەۋ ءالى دە جالعاسىپ جاتىر جانە دونالد ترامپتىڭ رەسەيدىڭ داۋىس جيناۋعا تىكەلەي اتسالىسۋىمەن  پرەزيدەنت بولعانى دالەلدەنگەن جوق.

“The Qazaq Times”