AQŞ barlau qızmeti Qıtayda ülken sätsizdikke wşıradı. Foto: YouTube.

AQŞ-tıñ Qıtaydağı şpiondıq qızmetiniñ auır sätsizdigi Ortalıq barlau basqarması ğana emes Qwrama Ştattıñ wlttıq qauipsizdigi üşin de ülken şığın. Qazir Qıtaydağı AQŞ-tıñ barlau qızmeti jansız küyde. Onda wzaq uaqıt tärbielegen 12 qızmetkeri Qıtay ükimeti jağınan közi joyılğan. Bwl istiñ astarında jasırınğan sır birneşe jıldan beri aşılmay keledi.

AQŞ Ädilet departamentiniñ keşe jasağan mälimetine qarağanda, Qıtay mañızdı qwpiyalıqtardı aşuğa kömektesti degen ayıppen bir küdikti qamauğa alınğan. Oğan AQŞ-tıñ bwrınğı Ortalıq barlau basqarmasınıñ qızmetkerlerin Qıtay ükimetiniñ anıqtauına kömektesti degen ayıp tağılğan. Bwl turalı «The New York Times» basılımı habarladı.

Bwrınğı barlau qızmetkerleriniñ birqatarı, 2010 jıldan bastap, AQŞ Ortalıq barlau basqarmasınıñ Qıtaydağı tıñşılıq jelisi jüyeli türde bwzu operaciyası kezinde köptegen aqparat agentteri qaza tapqanın aytadı. Bwl AQŞ ükimetiniñ soñğı jıldarı tartqan ziyanı arasındağı eñ eleulisi.

Qazir 53 jastağı bwrınğı arnayı qızmetker Jerri Çun Şıñlidiñ twtqındaluımen Federaldıq barlau basqarmasınıñ qarqındı tergeuleri ayaqtaldı. Bwl tergeu 2012 jılı Ortalıq barlau basqarması aqparat agentterin joğaltqannan keyin bastalğan bolatın. Jerri Çun Şıñ bir retki satqındardı tabu operaciyasınıñ bastı nısanı. Köptegen barlau qızmetkerleri onı Qwrama Ştattı satıp ketti dep sanaydı. Alayda, keybir barlau qızmetkerleri Qıtay ükimeti şeteldik aqparat közderinen paydalanıp, Ortalıq barlau basqarmasınıñ qwpiya ortalığın basıp alğan degen közqarasta.

Bwdan özge de bwrınğı barlau qızmetkerleriniñ aytuınşa, AQŞ-tıñ Qıtaydağı şpiondıq jelisiniñ ülken sätsizdiginiñ eki jaqtı sebebi bar. Sonıñ biri Qıtaydağı barlau qızmetkerleriniñ jwmısı dwrıs bolmağandığı dep sanaydı. Al, bwl turalı tekseru nätijeleriniñ körsetuinşe Ortalıq barlau basqarması men Federaldıq barlau basqarması arasındağı kelispeuşilik te Qıtaydağı AQŞ barlauşılarınıñ sätsizdigine mwrındıq bolğan.

Li Jınçıñ  (Jerri Çun Şıñ) 2007 jılı Ortalıq barlau basqarmasınan qol üzgen, twtqındalğanğa deyingi aralıqta Gonkongta twrğan. Jon Kennedi halıqaralıq äuejayında qamauğa alınıp, Virdjiniyanıñ soltüstigindegi federaldıq sotta qorğanıs aqparatın şetelge jayıp saldı degen ayıp tağıldı.

Li Jınçıñ 2012 jılı otbasımen birge AQŞ-qa oralğan. Ol twrğan qonaq üyde tintu jürgizgen Federaldıq barlau qızmetkerleri wlttıq qauipsizdiktiñ qwpiya mälimetterin estelikke alğan, qoljazba türindegi eki kitapşanı tapqan. Prokurorlardıñ mälimetine qarağanda, Li Jınçıñ bwl kitapşağa Ortalıq barlau basqarmasınıñ qızmetkerleriniñ atı-jönin, telefon nomerlerin, jasırın attarın, kezdesudegi kod sözderin jazğan.

«The New York Times» basılımınıñ habarına qarağanda, kem degende 12 barlau qızmetkeri Qıtay ükimeti jağınan öltirilgen nemese türmege alınğan. Ortalıq barlau basqarması üşin bwl ornı tolmas oqiğa bolıp qaldı, äri Qıtaydağı barlau qızmeti tügelge juıq küyretti.

“The Qazaq Times”