Resey bazasına şabuıl jasaldı. Foto:israeldefense.co.il.

Süriyadağı Reseydiñ äskeri bazasına tağı da şabuıl jasaldı. Latakiya provinciyasındağı Hmeymim äskeri bazasına dron arqılı şabuıl jasağandardıñ kim ekeni anıq emes. Al, Resey jaq ayıptı «Islam memleketi» dep atalatın terrorlıq wyımğa artıp otır. Bwl turalı BBC-diñ resmi saytı habarladı.

Habarğa qarağanda şabuıl 6 qañtar keşte bolğan. Bwl turalı alğaş ret habar taratqan «Orient News» basılımınıñ aytuınşa, bazağa jaqındağan drondı qorğanıs jüyesi bayqap qalğan, keyin dronğa qaratılıp oq atılğan. Dese de onıñ qanday nätije bergeni anıq aytılmaptı.

Bazanıñ mañınan tabılğan qoldan jasalğan dron. Foto: Voennıy obozrevatel'.

Al, «Arab21» basılımınıñ habarında, wşqışsız wşu apparatına qarsı oq atıludan bwrın bazada jarılıs bolğan jäne qauipsizdik jüyesi sirena jasağan. Atalğan basılım aqparat közi retinde Süriyadağı oppoziciyalıq küşterdi körsetken. Süriyalıq jurnalist Kevrok Almassian äleumettik jeli paraqşasında bazadağı reseylik jauıngerlerdiñ jaralı bolğanın jazıptı.

Süriyadağı Adam qwqıqtarın qorğau wyımı mälimet taratıp, şabuıldıñ «Islam memleketi» küşteriniñ Latakiyadağı bazasınan jasalğanın aytqan. Resey sayttarınıñ habarına qarağanda, bazanıñ mañınan jasaluı öte qarapayım drondı tabılğan. Degenmen, şabuıl turalı Resey Qorğanıs ministrligi eşqanday mälimet taratpadı. Bwl Süriyadağı Reseydiñ äue bazasına jasalğan bir apta işindegi ekinşi retki şabuıl.

“The Qazaq Times”