AQŞ Prezidenti Donal'd Tramp. Foto: Unian

AQŞ Prezidenti Donal'd Tramp äkimşiligi Meksika şekarasında qorğan twrğızu üşin kongresten 18 mlrd dollar qarajat swradı. Bwl turalı The Washington Post habarladı, dep jazdı RBK 

AQŞ-tıñ  Keden jäne şekara qızmetiniñ esebinşe, aldağı on jıl işinde atalğan qorğandı twrğızu üşin jäne ol jerde qızmet körsetuge keminde 33 mlrd dollar jwmsaluı mümkin.

Al onıñ işinde 18 mlrd dollar qamaldıñ 508 şaqırımın (316 mil')  saluğa jäne qazirdiñ özinde salınğan 655 kilometr şekara qwrılımınıñ  (407 mil') jwmısın küşeytuge jwmsaladı. Eger osı josparlanğan jwmıstıñ barlığı ayaqtalsa, onda 2027 jılğa qaray Amerika şekarasınıñ jartısınan köbi qamal arqılı qorğalatın boladı.

Bwdan bölek, şekara qızmetindegi qızmetkerlerdi oqıtu üşin 8 mlrd dollar, şekara mañındağı nısandardı jaña tehnologiyalarmen qamtuğa 5 mlrd dollar, şekarağa qosımşa jol saluğa keminde 1 milliard dollar qajet.

Ayta keteyik, Donal'd Tramp prezidenttik saylau nauqanı kezinde Meksika men AQŞ arasında qorğan twrğızuğa uäde bergen. Alayda ol qorğan twrğızuğa jwmsalatın qarajat Meksika tarapınan tölenetinin aytqan edi.

“The Qazaq Times”