اقش پرەزيدەنتى دونالد ترامپ. فوتو: ۋنيان

اقش پرەزيدەنتى دونالد ترامپ اكىمشىلىگى مەكسيكا شەكاراسىندا قورعان تۇرعىزۋ ءۇشىن كونگرەستەن 18 ملرد دوللار قاراجات سۇرادى. بۇل تۋرالى The Washington Post حابارلادى، دەپ جازدى ربك 

اقش-تىڭ  كەدەن جانە شەكارا قىزمەتىنىڭ ەسەبىنشە، الداعى ون جىل ىشىندە اتالعان قورعاندى تۇرعىزۋ ءۇشىن جانە ول جەردە قىزمەت كورسەتۋگە كەمىندە 33 ملرد دوللار جۇمسالۋى مۇمكىن.

ال ونىڭ ىشىندە 18 ملرد دوللار قامالدىڭ 508 شاقىرىمىن (316 ميل)  سالۋعا جانە قازىردىڭ وزىندە سالىنعان 655 كيلومەتر شەكارا قۇرىلىمىنىڭ  (407 ميل) جۇمىسىن كۇشەيتۋگە جۇمسالادى. ەگەر وسى جوسپارلانعان جۇمىستىڭ بارلىعى اياقتالسا، وندا 2027 جىلعا قاراي امەريكا شەكاراسىنىڭ جارتىسىنان كوبى قامال ارقىلى قورعالاتىن بولادى.

بۇدان بولەك، شەكارا قىزمەتىندەگى قىزمەتكەرلەردى وقىتۋ ءۇشىن 8 ملرد دوللار، شەكارا ماڭىنداعى نىسانداردى جاڭا تەحنولوگيالارمەن قامتۋعا 5 ملرد دوللار، شەكاراعا قوسىمشا جول سالۋعا كەمىندە 1 ميلليارد دوللار قاجەت.

ايتا كەتەيىك، دونالد ترامپ پرەزيدەنتتىك سايلاۋ ناۋقانى كەزىندە مەكسيكا مەن اقش اراسىندا قورعان تۇرعىزۋعا ۋادە بەرگەن. الايدا ول قورعان تۇرعىزۋعا جۇمسالاتىن قاراجات مەكسيكا تاراپىنان تولەنەتىنىن ايتقان ەدى.

“The Qazaq Times”