Erdoğan men Makron. Foto: New York Post.

Türkiya prezidenti Rejep Tayıp Erdoğan Franciyada resmi saparda boldı, äri sol elmen Türkiya arasındağı qarım-qatınastı jaqsartatının ayttı. Bwl turalı sol eldiñ «Anadolı» aqparattıq agenttiginiñ  resmi saytı jazdı.

Erdoğan Franciyada TF1 jäne LCI arnalarınıñ swhbatın qabıldağanda, Türkiya Europa elderi arasında Franciyamen tatu qarım-qatınastı saqtap kele jatqanın alğa tartqan. Ol jäne Franciyamen birlese otırıp, terrorizmge qarsı küres, bosqındar mäselesi jäne Orta Şığıs qayşılıqtarın şeşuge tırısatının aytqan.

Erdoğan bwl jolı Süriya taqırıbında Franciya prezidentimen oyınıñ bir jerden şıqqanın atap körsetti. YAğni, Süriya bolaşağı üşin Franciyağa wqsas Başar Asadtıñ bilikten ketuin qalaytının aşıq aytqan. Sonday-aq, Süriyadağı DAIŞ küşterimen küresu üşin özge terrorlıq toptarmen ımırağa kelmeytinin aytıp uäde bergen.

Francuz jurnalisteri türik basşısın köptegen swraqtardıñ astınan aldı. Bir jurnalist 2016 jılğı 15 şildede bolğan töñkeris turalı ayta kelip, ükimettiñ el köleminde tötenşe jağday jariyalap otırğanın, sonıñ saldarınan quğın-sürginderdiñ wzaqqa jalğasqanı turalı swrağanda Erdoğan: «Biz eldegi keybir küşterdiñ bilikke qarsı küresinde, ornıqtılıqtı saqtau üşin elde tötenşe jağday jariyaladıq. Franciya da terrorlıq şabuıl üşin de tötenşe jağday wzaq uaqıtqa jalğastı emes pe?!» degen jauabın qaytardı.

Franciyada bolğan bir kündik saparı kezinde de, Makronnıñ ükimetin Fethollah Gülen taqırıbında qoldau körsetuin, eki eldiñ qalıptı diplomatiyalıq qatınası üşin Gülen turalı wstanımdarı Türkiyanıñ qazirgi ükimetimen birdey boluın wsınıs etti. Erdoğannıñ bwl saparın, sol eldiñ resmi aqparat qwraldarı, soñğı kezderi Türkiyanıñ Batıs elderimen bolğan arazdığınan keyin Europada jasalğan mañızdı qadamdarınıñ biri dep bağalaptı.

“The Qazaq Times”