Foto: Sputnik

AQŞ pen Oñtüstik Koreya Pçenhanda aqpannıñ 9-ı bastalatın Qısqı Olimpiada oyındarına oray birlesken äskeri jattığuların toqtatadı. Mwnday şeşim Oñtüstik Koreya Prezidenti Mün Jayn men AQŞ-tıñ memleket basşısı Donal'd Tramptıñ  telefon arqılı söylesu kezinde qabıldandı. Bwl turalı VVS aqparattıq agenttigi jazdı. 

Soltüstik Koreyanıñ Oñtüstik Koreya tarapınan jasağan Olimpiada oyındarına Pioñyañnan sportşılardıñ qatısuın naqtılau üşin kezdesu ötkizu turalı wsınısın qabıldağanı qos el qarım-qatınasına jaña ümit sıyladı. Donal'd Tramp qos taraptıñ qatısuımen kelesi aptada ötetin joğarı deñgeyli kezdesudi "jaqsı dünie" dep bağaladı. AQŞ-pen birlesken äskeri jattığulardıñ toqtatıluına tağı bir sebep - Pioñyañ basşılarınıñ Oñtüstik Koreyağa qaray alğaşqı qadam jasağan twsında, onı qayta "aşulandırıp almau".

Degenmen, Amerika ökilderiniñ keybir boljamına qarağanda, olardıñ Korey tübegindegi tınıştıqtı saqtauğa müddeli ekeni bayqalmaydı. Mäselen, AQŞ-tıñ BWW-dağı elşisi Nikki Heyli: "Biz bwl kelissözderge Soltüstik Koreyanıñ yadrolıq bağdarlamasın toqtatatın äreket jasalmayınşa, layıqtı bağa bere almaymız", - dep mälimdedi. Al Aq üydiñ äskeri jattığular toqtatılğanı turalı resmi bayandamasında Donal'd Tramp pen Mün Jayn Soltüstik Koreyağa qısımdı arttıru üşin tiisti şaralardı jalğastıra beruge keliskeni aytılğan.

“The Qazaq Times”