فوتو: Sputnik

اقش پەن وڭتۇستىك كورەيا پچەنحاندا اقپاننىڭ 9-ى باستالاتىن قىسقى وليمپيادا ويىندارىنا وراي بىرلەسكەن اسكەري جاتتىعۋلارىن توقتاتادى. مۇنداي شەشىم وڭتۇستىك كورەيا پرەزيدەنتى ءمۇن جاين مەن اقش-تىڭ مەملەكەت باسشىسى دونالد ترامپتىڭ  تەلەفون ارقىلى سويلەسۋ كەزىندە قابىلداندى. بۇل تۋرالى ۆۆس اقپاراتتىق اگەنتتىگى جازدى. 

سولتۇستىك كورەيانىڭ وڭتۇستىك كورەيا تاراپىنان جاساعان وليمپيادا ويىندارىنا پيوڭياڭنان سپورتشىلاردىڭ قاتىسۋىن ناقتىلاۋ ءۇشىن كەزدەسۋ وتكىزۋ تۋرالى ۇسىنىسىن قابىلداعانى قوس ەل قارىم-قاتىناسىنا جاڭا ءۇمىت سىيلادى. دونالد ترامپ قوس تاراپتىڭ قاتىسۋىمەن كەلەسى اپتادا وتەتىن جوعارى دەڭگەيلى كەزدەسۋدى "جاقسى دۇنيە" دەپ باعالادى. اقش-پەن بىرلەسكەن اسكەري جاتتىعۋلاردىڭ توقتاتىلۋىنا تاعى ءبىر سەبەپ - پيوڭياڭ باسشىلارىنىڭ وڭتۇستىك كورەياعا قاراي العاشقى قادام جاساعان تۇسىندا، ونى قايتا "اشۋلاندىرىپ الماۋ".

دەگەنمەن، امەريكا وكىلدەرىنىڭ كەيبىر بولجامىنا قاراعاندا، ولاردىڭ كورەي تۇبەگىندەگى تىنىشتىقتى ساقتاۋعا مۇددەلى ەكەنى بايقالمايدى. ماسەلەن، اقش-تىڭ بۇۇ-داعى ەلشىسى نيككي حەيلي: ء"بىز بۇل كەلىسسوزدەرگە سولتۇستىك كورەيانىڭ يادرولىق باعدارلاماسىن توقتاتاتىن ارەكەت جاسالمايىنشا، لايىقتى باعا بەرە المايمىز", - دەپ مالىمدەدى. ال اق ءۇيدىڭ اسكەري جاتتىعۋلار توقتاتىلعانى تۋرالى رەسمي بايانداماسىندا دونالد ترامپ پەن ءمۇن جاين سولتۇستىك كورەياعا قىسىمدى ارتتىرۋ ءۇشىن ءتيىستى شارالاردى جالعاستىرا بەرۋگە كەلىسكەنى ايتىلعان.

“The Qazaq Times”