Foto: Quora

AQŞ Päkistanğa qauipsizdik salasında qarjılay kömek berudi toqtatadı. Mwnday şeşim Päkistannıñ öz aumağındağı Hakkani terroristik jelisi men Auğanstan talibandarına qarsı küresin jetkilikti jürgizip otırmağanımen tüsindirildi. Osığan deyin Donal'd Tramp Päkistan Amerikadan milliondağan qarjı alıp kelgenine qaramastan, ekstremistik toptardıñ qızmetine tosqauıl boluğa tiisti şaralardı qabıldamay otırğanın aytqan bolatın. Bwl turalı VVS aqparattıq agenttigi jazdı. 

Päkistan Ükimeti Donal'd Tramptıñ mälimdemesin salqın qabıldap, Amerika basşısınıñ terroristik aktilerden köp şığınğa wşırağan eldiñ ülesin joqqa şığarğandarına narazı. AQŞ-tıñ qauipsizdik salasındağı qoldauın doğaru turalı şeşimin Ündistan men Auğanstan quana qabıldasa, Islamabadqa milliondağan investiciya qwyıp otırğan Qıtay Amerikanıñ äreketin ädiletsiz dep taptı.

Päkistanğa osıdan bwrın birneşe ret "Auğanstan jerinde jii jarılıs jasaytın Hakkani jelisine astırtın qoldau körsetip, öz elinde baspana wsınıp otır" degen ayıptar tağılğan. Biraq Islamabad ol pikirlerdiñ bärin joqqa şığarıp kelgen. Memleket departamentiniñ habarlauınşa, Päkistanğa bağıttalğan 255 mln funt sterling kölemindegi qarjı audarılmaydı jäne äskeri kömekti toqtatu turalı şeşim Islamabad Hakkani jelisi men Auğanstan talibterine qarsı küres qimıldarın qatañ qolğa alğanğa deyin öz küşinde qala beredi.

“The Qazaq Times”