Foto: Getty Images

Germaniyanıñ därigerleri bosqındardıñ jasın anıqtau üşin, olardı  medicinalıq tekseristerden ötkizu turalı wsınısqa qarsılıq bildirdi. Nemis medicinalıq qauımdastığı mwnday şaralar etikalıq twrğıda dwrıs emestigin jetkizdi. Sayasatkerler soñğı kezde deportaciyadan jaltaru üşin özderin 18 jasqa tolmağan azamattar dep körsetetin bosqındardıñ naqtı jasın anıqtau üşin olardı rentgen säulesi arqılı tekseristen ötkizu siyaqtı şaralardı mindetti türde qoldanudı wsınğan bolatın. 

Bwl şaralar Germaniyanıñ oñtüstik-batısında "15 jastağı qız Auğanstannan kelgen bosqınnıñ qolınan öltirildi" degen ayıptardan keyin qolğa alınbaq. Özin däl sol jastağı jasöspirim dep tanıstırğan küdiktiniñ sözine senbegen qwrban bolğan qızdıñ äkesi: "Onıñ 15 jasta ğana boluı mümkin emes" degen edi.

Germaniya kancleri Angela Merkel'diñ odaqtastarı bosqındardıñ köbi äleumettik kömek pen ärtürli qoldau şaralarına qol jetkizu üşin özderin kämelettik jasqa tolmağandar esebinde körsetetinin aytadı. Sondıqtan bosqındardıñ şınayı jasın  anıqtau  üşin olar rentgen qwrılğısı arqılı olardıñ süyekteriniñ damuın bağalau ne tisterin ölşeu wsınılıp otır.

Nemis medicinalıq qauımdastığınıñ basşısı Frank Ul'rih Montgomeri: "Bwl zertteuler kürdeli jäne qımbat. Barlıq bosqındardı medicinalıq tekseristen mindetti türde  ötkizu olardıñ qwqıqtarın bwzadı", - dep mälimdedi.

“The Qazaq Times”