Iran Joğarı sotı osıdan eki kün bwrın Ahmet Reza Jallel attı azamatın «Izrail' tıñşısı» degen ayıppen ölim jazasına ükim etti. Oğan tağılğan ayıpta «Irannıñ yadrolıq bağdarlamalarına qatıstı mañızdı qwpiya mälimetterdi Izrail' barlau jäne aqparat organına jetkizgen» delingen. Bwl turalı «People» basılımı habarladı.

Irannıñ «Tehran Tayms» basılımı Tehrannıñ (Tegeran) bas prokurorı Jafari Doulatabaridıñ sözine silteme jasay otırıp, Ahmet Reza Jalleldiñ Izrail' aqparat közderine 8 ret mañızdı qwpiyalardı aşqanı turalı habarladı. «Mossad» agenttigine Iran Qorğanıs ministrligi men Iran Atom energiyası mekemesiniñ nısandarına qatıstı mälimetterdi jetkizgeni turalı aytıladı. Ahmet Izrail' jaqqa bergen mälimetteri Iran atom bağdarlamasın jüzege asıru, memleket qorğanıs strategiyası, mañızdı qorğanıs qwrılğıları, Atom energiyası wyımı men Qorğanıs ministrliginiñ lauazımdıları turalı mälimetterdi qamtığan.

IIR ükimetiniñ resmi mälimetine qarağanda, Ahmet Reza Jallel Izrail' jaqtan aqşa alumen birge özi jäne otbası müşelerin  Şveciya azamattığına ötkizgen. Ol ötken jılı säuirde Iran jerinde twtqındalğan, jaqında ğana memlekettik arnada öziniñ äreketine ökinişin bildirip, mälimdeme jasağan.

Irannıñ resmi basılımdarınıñ biri jariyalağan habarda, Jallel Izrail' jaqqa qatıstı informaciyasın jetkizip bergennen keyin, Qorğanıs ministrligi jäne Atom energiyası wyımınıñ eki adamı 2010 jılı qastandıqqa wşırağanı turalı jazılğan.

“The Qazaq Times”