Foto: Forbes.kz

«Qazaq Banki» AQ jeke kapitalınıñ 8 mlrd teñgege josparlı wlğaytuınıñ iske asırılğandığın habarlaydı.

Qazaq Banki Basqarmasınıñ Törağası Ğani Toqsanbaevtıñ sözinşe, bank kapitalınıñ wlğaytıluı Wlttıq Banktiñ prudenciyalıq normativterdiñ özgeristeri jäne jaña jıldan bastap HQES standarttarınıñ küşine enuine baylanıstı kapitalğa qoyılatın barınşa joğarılatılğan talaptarğa tolığımen säykes keluge wmtılumen ğana talap etilmegen. Jürgizilgen kapitaldandıru Banktiñ bwdan äri ösui jäne onıñ nesielik reytingterin jaqsartu üşin jetkilikti qarjı rezervin qamtamasız etedi.

Qazaq Banki akcionerlerimen klientter jäne seriktester aldında mindettemelerdi orındau jäne qarjı institutınıñ twraqtı qızmet körsetuin qamtamasız etu üşin 60 mlrd teñge köleminde qordı qwrğan. Bank negizgi böliktiñ tüsimi 2018 jıldıñ qañtarında kütiletin, mälimdelgen somadan alğaşqı tranştı alıp ülgerdi.

2017 jıldıñ 1 jeltoqsanındağı jağday boyınşa Bank aktivteri 429 mlrd teñgeni qwrap, onıñ işinde nesie portfeli 339 mlrd teñgege jetken. Mindettemeler 382 mlrd teñgeni qwrağan. Banktiñ jeke kapitalı 47 mlrd teñgeni, onıñ işinde jarğı kapitalı 39 mlrd teñgeni qwradı. 2017 jıldıñ 11 ayı üşin qarjı nätijesi 2 890 mln teñge köleminde bolğan.

Ayta keteyik, bwğan deyin Bank RBK da jeke kapitalın wlğaytqannan keyin  Wlttıq bankitñ sauıqtıru bağdarlamasına qatısatının mälimdegen.

“The Qazaq Times”