فوتو: Forbes.kz

«Qazaq Banki» اق جەكە كاپيتالىنىڭ 8 ملرد تەڭگەگە جوسپارلى ۇلعايتۋىنىڭ ىسكە اسىرىلعاندىعىن حابارلايدى.

Qazaq Banki باسقارماسىنىڭ توراعاسى عاني توقسانباەۆتىڭ سوزىنشە، بانك كاپيتالىنىڭ ۇلعايتىلۋى ۇلتتىق بانكتىڭ پرۋدەنتسيالىق نورماتيۆتەردىڭ وزگەرىستەرى جانە جاڭا جىلدان باستاپ حقەس ستاندارتتارىنىڭ كۇشىنە ەنۋىنە بايلانىستى كاپيتالعا قويىلاتىن بارىنشا جوعارىلاتىلعان تالاپتارعا تولىعىمەن سايكەس كەلۋگە ۇمتىلۋمەن عانا تالاپ ەتىلمەگەن. جۇرگىزىلگەن كاپيتالداندىرۋ بانكتىڭ بۇدان ءارى ءوسۋى جانە ونىڭ نەسيەلىك رەيتينگتەرىن جاقسارتۋ ءۇشىن جەتكىلىكتى قارجى رەزەرۆىن قامتاماسىز ەتەدى.

Qazaq Banki اكتسيونەرلەرىمەن كليەنتتەر جانە سەرىكتەستەر الدىندا مىندەتتەمەلەردى ورىنداۋ جانە قارجى ينستيتۋتىنىڭ تۇراقتى قىزمەت كورسەتۋىن قامتاماسىز ەتۋ ءۇشىن 60 ملرد تەڭگە كولەمىندە قوردى قۇرعان. بانك نەگىزگى بولىكتىڭ ءتۇسىمى 2018 جىلدىڭ قاڭتارىندا كۇتىلەتىن، مالىمدەلگەن سومادان العاشقى ترانشتى الىپ ۇلگەردى.

2017 جىلدىڭ 1 جەلتوقسانىنداعى جاعداي بويىنشا بانك اكتيۆتەرى 429 ملرد تەڭگەنى قۇراپ، ونىڭ ىشىندە نەسيە پورتفەلى 339 ملرد تەڭگەگە جەتكەن. مىندەتتەمەلەر 382 ملرد تەڭگەنى قۇراعان. بانكتىڭ جەكە كاپيتالى 47 ملرد تەڭگەنى, ونىڭ ىشىندە جارعى كاپيتالى 39 ملرد تەڭگەنى قۇرادى. 2017 جىلدىڭ 11 ايى ءۇشىن قارجى ناتيجەسى 2 890 ملن تەڭگە كولەمىندە بولعان.

ايتا كەتەيىك، بۇعان دەيىن Bank RBK دا جەكە كاپيتالىن ۇلعايتقاننان كەيىن  ۇلتتىق بانكىتڭ ساۋىقتىرۋ باعدارلاماسىنا قاتىساتىنىن مالىمدەگەن.

“The Qazaq Times”