Foto: ria.ru

Älemge eñ tanımal kriptovalyuta bitkoin kursı bir täulik işinde birden 18 payızğa arzandap, 13030 dollarğa deyin tüsti. Bwl turalı CoinMarketCup portalında jazıldı, dep habarlaydı RIA Novosti.

2017 jıldıñ 17 jeltoqsanında bitkoinnıñ qwnı 20 mıñ dolllarğa deyin qımbattağan bolatın. Osınday rekordtıq körsetkişpen salıstırğanda bitkoinnıñ qwnı 30 payızğa arzandadı deuge boladı. Al  Bitcoin Cash balama kriptovalyutası 30 payızğa nemese 2536 dollarğa deyin arzandağan.

Sarapşılardıñ sözinşe, kriptovalyutanıñ bolaşağına qatıstı jağımsız boljamdar onıñ kursına äser etip otır. Öytkeni 19 jeltoqsan küni Bitcoin.com kompaniyasınıñ negizin qalauşı Emil' Oldenburg bitkoinniñ sauda valyutası retinde bolaşağı joq ekenin aytsa, bitkoindı zañdastırğan  Japoniyanıñ qarjı ministri onı senimdi aktiv retinde sanamaytının mälimdegen.

Ayta keteyik, elektrondı aqşanıñ bwl türine qatıstı mäseleler soñğı kezde Qazaqstanda da jii talqılana bastağan. Qarjıgerlerdiñ biri mwnı zañdastırudı wsınsa, endi biri bitkoinnıñ qauipti ekenin aytadı.

“The Qazaq Times”