Foto: informburo.kz

Olimpiada çempionı Aleksandr Vinokurov öz qarsılasına aqşa berip, onıñ jeñilisin satıp alğan degen ayıppen Bel'giya sotınıñ aldında jauapqa tartılatın boldı. 2012 jılı London Olimpiadasında Qazaqstanğa altın medal' sıylağan 44 jastağı sportşığa «reseylik Aleksandr Kolobnevqa 2010 jılı ötken L'ej-Baston'-L'ej bir kündik velojarısta jeñilui üşin 150 mıñ euro köleminde para bergen» degen kinä artılıp otır. Bwl turalı AFP aqparattıq agenttigi jazdı. 

Bel'giya prokurorı Aleksandr Vinokurovtıñ sotı 2018 jıldıñ 13 naruızında bolatının habarladı. Onımen birge qarsılasınan köp kölemde aqşa aldı degen ayıppen Aleksandr Kolobnev ta sotqa baradı. Tergeu isiniñ bastaluına qos sportşınıñ banktegi esepşottarı arasında 2010 jıldıñ şilde jäne jeltoqsan aylarında äueli 50 mıñ, keyinnen 100 mıñ euro audarılğanı turalı aqparat negiz bolıp otır.

“The Qazaq Times”