Venesuela Prezidenti Nikolas Maduro. Foto: RIA Novosti / Sergey Guneev

Venesuela Prezidenti Nikolas Maduro 2018 jılı äleumettik jağdaylar üşin jwmsalatın byudjet şığındarı 70%-dan asatınına uäde berdi. Bwl turalı Union Radio radiostanciyası habarladı, dep jazdı RBK.

"Biz memleket byudjetiniñ 72%-ın äleumettik sayasat şığındarına, yağni mädenietke, bilimge, densaulıq saqtau salasına, twrğın üyge, demalu jäne sportqa jwmsaytın  bolamız", - dedi Maduro.

Bwdan bölek ol el ükimeti Venesuelağa qarsı jasalğan barlıq ekonomikalıq soğıs äreketterimen küresetinin aytqan.

Ayta keteyik, 2014 jıldan bastap mwnay bağasınıñ qwldırauı saldarınan Venesuelada bastalğan ekonomikalıq dağdarıs kün ötken sayın qiındap baradı. Mısalı Standard & Poors halıqaralıq reyting agenttigi (S & P) payızdıq tölemder belgilengen merzimde tölenbeuine baylanıstı Venesuelanıñ şetel valyutasındağı mindettemelerin defolttı deñgeyine deyin tömendetti.

Sonday-aq, eldegi ekonomikalıq jäne gumanitarlıq dağdarıs deñgeyi inflyaciya jäne wlttıq valyutanıñ qwnsızdanuımen qatar wlğaya tüsken. Halıqaralıq valyuta qorı eldegi "twtınu bağasınıñ ösimi 2018 jılı 2349,3% deñgeyinde boladı" degen boljam aytıp otır.

Mwnay bağasınıñ qwldırauı tek Venesuela emes, mwnaylı Qazaqstanğa da oñay äser etken joq. Wlttıq qordıñ biraz böligi ekonomikalıq şığındardı jabuğa jwmsaldı. Teñge qwnsızdanıp, halıqtıñ äleumettik jağdayı tömendedi.

“The Qazaq Times”