Foto: unian.net

Euroodaq Ierusalimdi Izrail'diñ astanası dep moyındamaydı. Bwl turalı EO-nıñ sırtqı ister jönindegi basşısı Federika Mogerini Izrail'diñ Prem'er-ministri Bin'yamin Netan'yahumen  kezdesu barısında mälimdedi. Bwl turalı VVS aqparattıq agenttigi jazdı. 

Bin'yamin Netan'yahudıñ Euroodaq memleketteri AQŞ-tıñ soñınan Ierusalimdi Izrail'diñ astanası dep moyındağanın qalaytın nietine Federika Mogerini Palestina men Izrail' arasındağı soñğı beybit kelisim jasalmayınşa, mwnday mälimdeme jasaudan bas tartatının jetkizdi.

"Europa memleketteri Ierusalim mäselesine qatıstı halıqaralıq konsensustı qoldaydı. Biz bwl daudıñ eñ oñtaylı şeşimi beybit kelissözderde dep bilemiz", - dedi ol.

Bryussel'de ötken baspasöz konferenciyası barısında Euroodaqtıñ resmi ökili osığan deyingi AQŞ-tıñ öñirdegi twraqtılıqqa qauip töndiretin şeşimine qarsılıq tanıtqan poziciyasında qalatının tağı da körsetti. Birqatar Arab elderi men mwsılmandar sanı basım memleketterde Donal'd Tramptıñ Palestina men Izrail'diñ arasındağı talasta qay tarapqa tiesili ekeni äli anıqtalmağan, Islam dinindegi qasietti orındardıñ biri Äl-Aqsa meşiti ornalasqan  Ierusalim qalasın AQŞ-tıñ odaqtası Izrail'diñ astanası dep moyındau turalı şeşimine qarsı narazılıq şeruleri ötken bolatın.

“The Qazaq Times”