فوتو: unian.net

ەۋرووداق يەرۋساليمدى ءيزرايلدىڭ استاناسى دەپ مويىندامايدى. بۇل تۋرالى ەو-نىڭ سىرتقى ىستەر جونىندەگى باسشىسى فەدەريكا موگەريني ءيزرايلدىڭ پرەمەر-ءمينيسترى بينيامين نەتانياحۋمەن  كەزدەسۋ بارىسىندا مالىمدەدى. بۇل تۋرالى ۆۆس اقپاراتتىق اگەنتتىگى جازدى. 

بينيامين نەتانياحۋدىڭ ەۋرووداق مەملەكەتتەرى اقش-تىڭ سوڭىنان يەرۋساليمدى ءيزرايلدىڭ استاناسى دەپ مويىنداعانىن قالايتىن نيەتىنە فەدەريكا موگەريني پالەستينا مەن يزرايل اراسىنداعى سوڭعى بەيبىت كەلىسىم جاسالمايىنشا، مۇنداي مالىمدەمە جاساۋدان باس تارتاتىنىن جەتكىزدى.

"ەۋروپا مەملەكەتتەرى يەرۋساليم ماسەلەسىنە قاتىستى حالىقارالىق كونسەنسۋستى قولدايدى. ءبىز بۇل داۋدىڭ ەڭ وڭتايلى شەشىمى بەيبىت كەلىسسوزدەردە دەپ بىلەمىز", - دەدى ول.

بريۋسسەلدە وتكەن ءباسپاسوز كونفەرەنتسياسى بارىسىندا ەۋرووداقتىڭ رەسمي وكىلى وسىعان دەيىنگى اقش-تىڭ وڭىردەگى تۇراقتىلىققا قاۋىپ توندىرەتىن شەشىمىنە قارسىلىق تانىتقان پوزيتسياسىندا قالاتىنىن تاعى دا كورسەتتى. بىرقاتار اراب ەلدەرى مەن مۇسىلماندار سانى باسىم مەملەكەتتەردە دونالد ترامپتىڭ پالەستينا مەن ءيزرايلدىڭ اراسىنداعى تالاستا قاي تاراپقا تيەسىلى ەكەنى ءالى انىقتالماعان، يسلام دىنىندەگى قاسيەتتى ورىنداردىڭ ءبىرى ءال-اقسا مەشىتى ورنالاسقان  يەرۋساليم قالاسىن اقش-تىڭ وداقتاسى ءيزرايلدىڭ استاناسى دەپ مويىنداۋ تۋرالى شەشىمىنە قارسى نارازىلىق شەرۋلەرى وتكەن بولاتىن.

“The Qazaq Times”