Foto: seattletimes.com

Jwma küni Arab elderindegi mwsılmandar AQŞ Prezidenti Donal'd Tramptıñ Ierusalimdi Izrail'diñ astanası dep moyındağan şeşimine qarsı narazılıq şeruine  şıqtı. Türkiya, Euroodaq pen Resey Tayau Şığıstıñ beybitşiliginiñ bwzılu qaupine alañdap, AQŞ-tıñ şeşimin qatañ sınadı. Bwl turalı VVS aqparattıq agenttigi jazdı. 

Mekke men Medine qalasınan keyin qasietti orın sanalatın Äl-Aqsa meşiti Şığıs Ierusalimde ornalasqan. Qala köşelerinde "Biz sen üşin janımızdı qwrban etuge dayınbız, Äl-Aqsa!" dep wrandatqan mwsılmandar Izrail' men AQŞ-tıñ tuların örtegen. Izrail'men beybit kelisim ornatqan eki arab memleketiniñ biri Iordaniyada "Ierusalim-Palestinanıñ astanası" degen plakattar wstap, qarsılıq şeruine qatısqandardıñ sanı 20 mıñğa juıqtağan.

Iranda  ızağa berilgen mwsılmandar "AQŞ pen Izrail'ge - ölim!" dep ortalıqqa jinalsa, däl osınday narazılıq qozğalıstarı Yemen men Auğanıstanda jäne Iraktıñ astanası Bağdad qalasında  bolğan.

Mwsılmandar köp şoğırlanğan Malayziya men Indoneziyada AQŞ elşiliginiñ mañına jinalğan jwrtşılıq "Ierusalimnen qolıñdı tart, Amerika!" dep wrandatıp, Donal'd Tramp beynelengen plakattardı örtedi. Elşilikke basıp kirmek bolğan birneşe mwsılmandı jergilikti qauipsizdik qızmeti toqtatqan.

“The Qazaq Times”