Süriyadağı Putindi qwtqaruşı sanaytın twrğındar. Foto: Bol'şoy Blijniy Vostok.

Resey prezidenti Vladimir Putin osıdan bir kün bwrınğı sözinde: «Süriyadağı terrorlıq wyım «Islam memleketi» tolıqtay jeñilis taptı», – dedi. RF prezidenti sözinde Resey qarulı küşteriniñ bwl jeñistegi röli zor ekenin de alğa tartqan. Bwl turalı «Şinhuanıñ» resmi saytı mälimdedi.

Vladimir Putin sözinde: «Evfrattıñ eki jağalauındağı soğıstıñ bäri «Islam Memleketi» terrorlıq tobınıñ jeñilisimen ayaqtaldı. Ärine, kezdeysoq kedergilerdiñ boluı mümkin. Biraq, Süriya aumağında operaciyalıq missiya ayaqtaldı», – dedi.

RF Qarulı Küşteri ştabınıñ bastığı Valeriy Gerasimov prezident Putinniñ sözin rastap, Süriyadağı «IM» küşteriniñ soñğı bekinisi 6 jeltoqsanda tazartılğanın mälimdedi. Deyr-Äzzordağı soñğı bekinistiñ talqandaluımen sol eldegi «IM» küşteri barlıq filialdarı joyılğanın ayttı.

Putin sözinde: «Bizdiñ kelesi qadam – Süriyadağı qandı qaqtığıstardı toqtatuğa kömektesu, sayasi retteu procesin ıntalandıru. Biraq, bwl qızmet auqımdı äri wzaqqa sozıluı mümkin»,– dedi.

Ayta ketelik, 2016 jıldıñ bas şeninen tartıp, BWW-nıñ basşılığımen Süriya ükimeti men oppoziciya küşteri Jenevada 7 dürkin kezdesu ötkizdi. Kezdesulerde jetistikter de boldı, dağdarıstar da boldı. Kelissözderdiñ jaña kezeñi 28 qaraşada bastalğan edi. Bastapqıda  Siriyadağı negizgi oppoziciyalıq toptardıñ ortaq delegaciyasın qalıptastıru üşin küşterin biriktirgen edi, biraq qazirge deyin eşqanday oñdı nätije bayqalmadı.

“The Qazaq Times”