پۋتين رەسەيدىڭ الداعى ۋاقىتتا سۇرياداعى ميسسياسىن اتاپ ءوتتى

رەسەي پرەزيدەنتى ۆلاديمير پۋتين وسىدان ءبىر كۇن بۇرىنعى سوزىندە: «سۇرياداعى تەررورلىق ۇيىم «يسلام مەملەكەتى» تولىقتاي جەڭىلىس تاپتى»، – دەدى. رف پرەزيدەنتى سوزىندە رەسەي قارۋلى كۇشتەرىنىڭ بۇل جەڭىستەگى ءرولى زور ەكەنىن دە العا تارتقان. بۇل تۋرالى «شينحۋانىڭ» رەسمي سايتى مالىمدەدى.

ۆلاديمير پۋتين سوزىندە: «ەۆفراتتىڭ ەكى جاعالاۋىنداعى سوعىستىڭ ءبارى «يسلام مەملەكەتى» تەررورلىق توبىنىڭ جەڭىلىسىمەن اياقتالدى. ارينە، كەزدەيسوق كەدەرگىلەردىڭ بولۋى مۇمكىن. بىراق، ءسۇريا اۋماعىندا وپەراتسيالىق ميسسيا اياقتالدى»، – دەدى.

رف قارۋلى كۇشتەرى شتابىنىڭ باستىعى ۆالەري گەراسيموۆ پرەزيدەنت ءپۋتيننىڭ ءسوزىن راستاپ، سۇرياداعى «يم» كۇشتەرىنىڭ سوڭعى بەكىنىسى 6 جەلتوقساندا تازارتىلعانىن مالىمدەدى. دەير-اززورداعى سوڭعى بەكىنىستىڭ تالقاندالۋىمەن سول ەلدەگى «يم» كۇشتەرى بارلىق فيليالدارى جويىلعانىن ايتتى.

پۋتين سوزىندە: «ءبىزدىڭ كەلەسى قادام – سۇرياداعى قاندى قاقتىعىستاردى توقتاتۋعا كومەكتەسۋ، ساياسي رەتتەۋ پروتسەسىن ىنتالاندىرۋ. بىراق، بۇل قىزمەت اۋقىمدى ءارى ۇزاققا سوزىلۋى مۇمكىن»،– دەدى.

ايتا كەتەلىك، 2016 جىلدىڭ باس شەنىنەن تارتىپ، بۇۇ-نىڭ باسشىلىعىمەن ءسۇريا ۇكىمەتى مەن وپپوزيتسيا كۇشتەرى جەنەۆادا 7 دۇركىن كەزدەسۋ وتكىزدى. كەزدەسۋلەردە جەتىستىكتەر دە بولدى، داعدارىستار دا بولدى. كەلىسسوزدەردىڭ جاڭا كەزەڭى 28 قاراشادا باستالعان ەدى. باستاپقىدا  سيرياداعى نەگىزگى وپپوزيتسيالىق توپتاردىڭ ورتاق دەلەگاتسياسىن قالىپتاستىرۋ ءۇشىن كۇشتەرىن بىرىكتىرگەن ەدى، بىراق قازىرگە دەيىن ەشقانداي وڭدى ناتيجە بايقالمادى.

“The Qazaq Times”