AQŞ Prezident Donal'd Tramp Ierusalimdi Izrail'diñ astanası dep jariyaladı. Ol AQŞ-tıñ elşiligin Tel'-Avivten Ierusalimge köşiru turalı şeşim qabıldaydı dep kütilude. Izrail' jañaşıldıqtı jılı qabıldadı, al Arab basşıları men Palestina bwl äreket mwsılmandarğa qatıstı jasalğan eñ ülken provokaciya dep otır. Bwl turalı VVS aqparattıq agenttigi jazdı. 

Izrail' Ierusalimdi öziniñ astanası dep qarastırğanımen, Palestina qalanıñ şığıs böligin bolaşaq Palestina  memleketiniñ ortalığı dep belgilegen bolatın. AQŞ Izrial' qwrılğan 1948 jıldan beri Ierusalimdi Izrail'diñ astanası dep moyındağan alğaşqı memleket bolıp otır.

Ierusalimniñ palestindıqtar özderiniñ ieligi sanaytın şığıs böliginde üş dinge de qatıstı qasietti orındar köp kezdesedi. AQŞ ökili bql mäsele şekara sızığı men qasietti orındardıñ saqtaluına keri äser etpeydi dep otır.

Izrail' men Palestina arasındağı 1993 jılğı kelisimde qalanıñ märtebesi keleşektegi soñğı kelissözder kezinde anıqtaladı dep körsetilgen. Izrail' 1967 jılı qalanı şığıs böligin Iordaniyadan annekciyalap alğannan keyin, onda birqatar ielikter salğan. Qazir onda 200 mıñğa juıq evrey twradı. Halıqaralıq qwqıq boyınşa bwl ielikter zañsız sanalğanımen, AQŞ-tıñ mälimdemesi ülken qoldau boluı mümkin.

“The Qazaq Times”