فوتو: tourprom.ru

اقش پرەزيدەنت دونالد ترامپ يەرۋساليمدى ءيزرايلدىڭ استاناسى دەپ جاريالادى. ول اقش-تىڭ ەلشىلىگىن تەل-اۆيۆتەن يەرۋساليمگە كوشىرۋ تۋرالى شەشىم قابىلدايدى دەپ كۇتىلۋدە. يزرايل جاڭاشىلدىقتى جىلى قابىلدادى، ال اراب باسشىلارى مەن پالەستينا بۇل ارەكەت مۇسىلماندارعا قاتىستى جاسالعان ەڭ ۇلكەن پروۆوكاتسيا دەپ وتىر. بۇل تۋرالى ۆۆس اقپاراتتىق اگەنتتىگى جازدى. 

يزرايل يەرۋساليمدى ءوزىنىڭ استاناسى دەپ قاراستىرعانىمەن، پالەستينا قالانىڭ شىعىس بولىگىن بولاشاق پالەستينا  مەملەكەتىنىڭ ورتالىعى دەپ بەلگىلەگەن بولاتىن. اقش يزريال قۇرىلعان 1948 جىلدان بەرى يەرۋساليمدى ءيزرايلدىڭ استاناسى دەپ مويىنداعان العاشقى مەملەكەت بولىپ وتىر.

يەرۋساليمنىڭ پالەستيندىقتار وزدەرىنىڭ يەلىگى سانايتىن شىعىس بولىگىندە ءۇش دىنگە دە قاتىستى قاسيەتتى ورىندار كوپ كەزدەسەدى. اقش وكىلى بقل ماسەلە شەكارا سىزىعى مەن قاسيەتتى ورىنداردىڭ ساقتالۋىنا كەرى اسەر ەتپەيدى دەپ وتىر.

يزرايل مەن پالەستينا اراسىنداعى 1993 جىلعى كەلىسىمدە قالانىڭ مارتەبەسى كەلەشەكتەگى سوڭعى كەلىسسوزدەر كەزىندە انىقتالادى دەپ كورسەتىلگەن. يزرايل 1967 جىلى قالانى شىعىس بولىگىن يوردانيادان اننەكتسيالاپ العاننان كەيىن، وندا بىرقاتار يەلىكتەر سالعان. قازىر وندا 200 مىڭعا جۋىق ەۆرەي تۇرادى. حالىقارالىق قۇقىق بويىنشا بۇل يەلىكتەر زاڭسىز سانالعانىمەن، اقش-تىڭ مالىمدەمەسى ۇلكەن قولداۋ بولۋى مۇمكىن.

“The Qazaq Times”