Auğanstannıñ şığısındağı Taliban küşteri. Foto: BBC.

Auğanstannıñ şığıs öñirinde «Islam memleketi» wyımı men Taliban arasında qaqtığıs bolıp 18 adam oqqa wşqan. Bwl turalı Auğanstan aqparat qwraldarına silteme jasay otırıp, «Şinlañ» aqparattı saytı habarladı.

Eki kün bwrın Auğanstannıñ şığısındağı Nongarhar provinciyasında jasırınıp jürgen «Islam memleketi» ekstremistik toptarı sol eldegi qarulı Talibanmen qaqtığısıp qalğan. Eki taraptan keminde 18 adam qaza bolğanı turalı mälimet bar.

Sol eldegi telearnalardıñ habarına qarağanda, «Islam memleketi» wyımınan 6 adam qaza bolıp, 4 adam jaralanğan. Taliban wyımınan 12 adam qaza tauıp, kem degende 8 adam jaraqat alğan. Eki qarulı top soñğı aptalarda birneşe ret qaqtığısqan, är rette keminde birneşe adam jaraqat alğan. Eki qarulı top bwl turalı äli de tüsinikteme taratpağan.

Biıl «Islam memleketi» wyımı Auğanstandağı Taliban wyımına  birneşe ret şabuıl jasadı. Eki toptıñ qaqtığısı köbinde Hudjanii şekaralas aymaqtarında bolıp otır.

Taldaularğa qarağanda, qarulı terrorlıq toptar aymaqtağı ıqpal kölemin keñeytu üşin qaqtığısadı. Bwl äreketter aymaqtıñ qauipsizdik jağdayın barğan sayın naşarlatuda. Qaqtığıs bolğan aymaqtarda keminde 10 mıñ otbası bas sauğalap qaşıp ketken. Jergilikti twrğındar birneşe ret Auğanstannıñ qauipsizdik küşterine äleumettik twraqtılıqtı saqtau üşin qarulı toptardı joyuın talap etti. Degenmen, jergilkti ükimet küşterini aymaqtı tolıq baqılauğa qauqarsız bolıp keledi.

“The Qazaq Times”