Foto: Golos Ameriki

AQŞ-tıñ memlekettik hatşısı Reks Tillerson Reseydiñ körşi memleketke qatıstı körsetip otırğan agressiyasın qoldamaytının tağı da qaytalap, Amerika Euroodaq elderin Mäskeudiñ gazına täueldilikten qwtqaruğa kömektesetinin jetkizdi. Kelesi aptada  Bryussel'deötetin NATO-ğa müşe memleketterdiñ ministrleriniñ bas qosuı jäne Vena qalasında Europa Qauipsizdik jäne Intımaqtastıq wyımınıñ jiınında Reseydiñ agressiyalıq sayasatı kün tärtibindegi bastı taqırıp bolmaq. 

Donal'd Tramptıñ  bilikke kelgen kezde Mäskeumen qarım-qatınasın retke keltiruge jasağan qadamdarı sätsiz ayaqtaldı. Reks Tillerson Reseyge qarsı engizilgen sankciyaların Mäskeu öziniñ sırtqı sayasatın özgertpeyinşe, saqtalatının habarladı. Ol öz sözinde: "Resey Europadağı ülken memlekettiñ (Ukraina) tınıştığın bwzdı. Endigi maqsat Resey Ükimetine bizdiñ halıqaralıq normalardıñ bwzıluına köz jwmıp qarap otırmaytınımızdı körsetu", - dedi.

Reks Tillerson memlekettik hatşı qızmetine kirispes bwrın, ExxonMobil kompaniyasınıñ törağası bolğanı belgili. Ol kezde Reseymen käsipkerlik baylanıstar men investiciyalıq kelisimderge qızığuşılıq bildirgen Tillerson Mäskeuge qarsı sankciya engizuge tolıqtay qarsı bolğan edi.

Memlekettik hatşı Halıqaralıq Vudro Vil'son ortalığında söylegen sözinde "Soñğı oqiğalar energoresurstardı sayasi qaru esebinde paydalanuğa bolatının körsetti" dey kele, AQŞ Grekiya, Bolgariya, Horvatiya jäne Pol'şanıñ qatısuımen gaz qwbırların salu jobasına qoldau körsetetinin ayttı.

“The Qazaq Times”