فوتو: گولوس امەريكي

اقش-تىڭ مەملەكەتتىك حاتشىسى رەكس تيللەرسون رەسەيدىڭ كورشى مەملەكەتكە قاتىستى كورسەتىپ وتىرعان اگرەسسياسىن قولدامايتىنىن تاعى دا قايتالاپ، امەريكا ەۋرووداق ەلدەرىن ماسكەۋدىڭ گازىنا تاۋەلدىلىكتەن قۇتقارۋعا كومەكتەسەتىنىن جەتكىزدى. كەلەسى اپتادا  بريۋسسەلدەوتەتىن ناتو-عا مۇشە مەملەكەتتەردىڭ مينيسترلەرىنىڭ باس قوسۋى جانە ۆەنا قالاسىندا ەۋروپا قاۋىپسىزدىك جانە ىنتىماقتاستىق ۇيىمىنىڭ جيىنىندا رەسەيدىڭ اگرەسسيالىق ساياساتى كۇن تارتىبىندەگى باستى تاقىرىپ بولماق. 

دونالد ترامپتىڭ  بيلىككە كەلگەن كەزدە ماسكەۋمەن قارىم-قاتىناسىن رەتكە كەلتىرۋگە جاساعان قادامدارى ءساتسىز اياقتالدى. رەكس تيللەرسون رەسەيگە قارسى ەنگىزىلگەن سانكتسيالارىن ماسكەۋ ءوزىنىڭ سىرتقى ساياساتىن وزگەرتپەيىنشە، ساقتالاتىنىن حابارلادى. ول ءوز سوزىندە: "رەسەي ەۋروپاداعى ۇلكەن مەملەكەتتىڭ (ۋكراينا) تىنىشتىعىن بۇزدى. ەندىگى ماقسات رەسەي ۇكىمەتىنە ءبىزدىڭ حالىقارالىق نورمالاردىڭ بۇزىلۋىنا كوز جۇمىپ قاراپ وتىرمايتىنىمىزدى كورسەتۋ", - دەدى.

رەكس تيللەرسون مەملەكەتتىك حاتشى قىزمەتىنە كىرىسپەس بۇرىن، ExxonMobil كومپانياسىنىڭ توراعاسى بولعانى بەلگىلى. ول كەزدە رەسەيمەن كاسىپكەرلىك بايلانىستار مەن ينۆەستيتسيالىق كەلىسىمدەرگە قىزىعۋشىلىق بىلدىرگەن تيللەرسون ماسكەۋگە قارسى سانكتسيا ەنگىزۋگە تولىقتاي قارسى بولعان ەدى.

مەملەكەتتىك حاتشى حالىقارالىق ۆۋدرو ۆيلسون ورتالىعىندا سويلەگەن سوزىندە "سوڭعى وقيعالار ەنەرگورەسۋرستاردى ساياسي قارۋ ەسەبىندە پايدالانۋعا بولاتىنىن كورسەتتى" دەي كەلە، اقش گرەكيا، بولگاريا، حورۆاتيا جانە پولشانىڭ قاتىسۋىمەن گاز قۇبىرلارىن سالۋ جوباسىنا قولداۋ كورسەتەتىنىن ايتتى.

“The Qazaq Times”