Foto: Reuters. Süriyadağı Resey wşaqtarı.

Süriya äskeriniñ äue soqqısınan 23 beybit twrğın qaza taptı. Oppoziciyalıq basqınşı toptar şoğırlanğan Şığıs Guta aymağında bolğan äue şabuıldarı Süriya Ükimetiniñ Jeneva kelissözderi aldında öz qarsılastarına  äskeri qısımdı arttırıp otırğanın bayqatadı. Bwl turalı VVS aqparattıq agenttigi jazdı. 

Syrian Observatory for Human Rights wyımı auır jaraqat alğan azamattardıñ köptigine baylanıstı, aldağı uaqıtta qwrbandar sanı artuı mümkin ekenin habarladı. Sonday-aq, qwqıq qorğau wyımınıñ dereginşe, bwl aymaqta bolıp jatqan qaqtığıstardan soñğı eki apta işinde jüzge juıq adam mert bolğan.

Anadolu aqparattıq agenttiginiñ habarlauınşa, Süriya äskeri oppoziciyalıq toptar bekingen Misraba, Harasta, Eyn-Tarma audandarın bombılağan. Qazir nısanağa ilinip otırğan Şığıs Guta aymağı negizinen Resey, Iran men Türkiya arasındağı kelisimge säykes, deskalaciyalıq (oq atuğa bolmaytın) aymaq dep jariyalanğan edi.

Europa konsuldığınıñ ökili Güney Yıldızdıñ pikirinşe, şamamen 300 mıñğa juıq twrğını bar Şığıs Guta aymağı Damaskige jaqın ornalasqandığı üşin Süriya Ükimetiniñ erekşe nazarına ilinip otır. Sonday-aq diplomat "Süriya Ükimeti Jeneva kelissözderiniñ aldında öz qarsılastarın barınşa älsiretudi közdep otırğan siyaqtı" degen oy qostı.

“The Qazaq Times”