Wlıbritaniya men EO arasında tüsinistik tereñdedi. Foto: timeshighereducation.com.

Wlıbritaniyanıñ prem'er-ministri Tereza Mey, 24 qaraşa küni Bryussel'degi EO-nıñ ştab-päterinde Europa Keñesiniñ törağasımen kezdesti. Kezdesude Wlıbritaniyağa wsınılğan «Breksit» (Wlıbritaniyanıñ EO-dan bölinui)  turalı mäselelerdi talqılandı. EO-nıñ diplomatiyalıq derek közderi bergen mälimetke qarağanda, eki tarap söylesu kezinde aldağı Wlıbritaniya men EO arasındağı eñ özekti mäsele bolğan «Qolüzu aqısına» (Europalıq Odaqtan bölinip şıqqanı üşin Wlıbritaniyanıñ töleytin tölemi) qatıstı mäselede tüsinistik tapqan.  

Bwl osığan deyin eki tarapqa birdey asa sezimtal taqırıp. Dialog barısınan alıp qarağanda kelissöz jürgizu mümkindigi joğarı. EO qazir kelissözdiñ dayındığı üstinde.  Bwl turalı «Şinhuanıñ» resmi saytı habarladı.

10 qaraşada Bryussel'de EO-Wlıbritaniya kelissöziniñ 6-şı turı ayaqtaldı. Eki tarap «Qolüzu aqısı» ğana emes, azamattıq qwqıqtar, Wlıbritaniya men Irlandiya şekarası siyaqtı negizgi mäseleler de tüsinistik taptı. Soñğı wsınıs retinde Britaniyadan eki apta işinde «Qolüzu aqısı» turalı naqtı jauap swrağan bolatın. Bwl jauap bolmayınşa kelissözdiñ sauda baylanıstarı turalı kelesi kezeñi aşılmaytının aytqan.

Britandıq BAQ habarlauınşa, prem'er-ministr Tereza Mey «Breksit» kabinetiniñ mıqtıların qoldauğa ie boldı jäne Euroodaqtıñ 60 milliard euroğa bağasın swratıp, alşaqtıqtı azaytu üşin «bwzu aqısı» stavkaların köterdi. Britandıq bwqaralıq aqparat qwraldarınıñ habarlauınşa, britandıq ükimet 20 milliard eurodan 40 million euroğa juıq somağa bölingen tölemdi eki ese arttıruğa dayın.

Bwl şeşimdi Wlıbritaniya aqparat qwraldarı arqılı jariya etip, Europalıq keñestiñ kelissöz jürgizuşi gruppasınıñ senimin bekemdegen. Bwl eki jaqtı senimdilik pen tüsinistikti arttırğanın EO basşıları da moyındap otır. Olar sözinde «Eger Wlıbritaniya jaq bwl qadamdı jasamağanda, kelissözdiñ kelesi kezeñine bizde küşti dayındıq jasamağan bolar edik», – desken. Britaniya ükimetiniñ 40 milliard euroğa şaqıru bağası EO wsınğan 60 milliard evrodan äldeqayda tömen bolğanımen, 60 mlrd evro «Qolüzu aqısına» qoyğan EO-nıñ eñ joğarı körsetkişi.

Eger taraptar bwl somağa kelisuge dayın bolsa «Breksit» kelissözine jauaptı EO-ökili Mişel' Barnay kelesi kezdesudi bastap ketuge dayın ekenin jetkizdi. Ol jäne Tereza Meyge kömektesip, wlıbritaniyalıqtardıñ «qolüzu aqısına» baylanıstı qoğamdıq pikiriniñ dwrıstaluğa tırısadı. Osılayşa Wlıbritaniya men EO arasındağı naurız ayınan bastalğan «Qolüzu aqısın» mäselesi jäne «Breksit» qiındıqtarı oñına bastı.

“The Qazaq Times”