Wlıbritaniya Reseydi kiberşabuıl üşin ayıptadı. foto WSJ.

Wlıbritaniya eñ joğarı Jeli qauipsizdik qızmeti jetekşisiniñ ökili mälimdeme jasap, Resey jaq Wlıbritaniyanıñ bwqaralıq aqparat qwraldarı, telekommunikaciya jäne energetika sektorlarına kiberşabuıl jasağan. Atalğan mälimet Wlıbritaniya ükimeti jağınan arnayı jasalğanına qarağanda, kiberşabuıldıñ keñ kölemdi bolğanı anıq. Bwl turalı “The Wall Street Journal” basılımı habarladı.

Wlıbritaniya eñ joğarı Jeli qauipsizdik qızmetiniñ jauaptı ökili Kyaran Martin särsenbi küni jasağan mälimdemesinde, agenttik qızmetiniñ alğaşqı jılında, Wlıbritaniyanıñ 600-den astam şabuılğa tap bolğanın jetkizdi. Martin, Reseyden kelgen şabuıldardıñ naqtı sanın aytpağanımen, Reseydi jahandıq jeli qauipsizdiginiñ bastı qaupi dep körsetti. Ol sözinde: «Resey qazirgi ğalamdıq jüyeni bwzuğa tırısadı», – dedi.

Wlıbritaniyanıñ prem'er-ministri Tereza Mey, aptanıñ basında mälimdeme jasap, Resey jaq Wlıbritaniyanıñ jalpı saylauına aralasu arqılı Batıs elderiniñ kelispeuşiligin qalıptastırıp, erkin qoğamğa ziyan keltirdi degen.

Britan ükimetiniñ aytuınşa, Reseydiñ demokratiyalıq üderiske tikeley aralasqanın däleldeu tolıq bolmay otır. Biraq parlament deputattarı ükimetke ötken jılı Brekstiñ dauıs beruine qanşalıqtı äser etkenin anıqtau üşin tergeu jürgizuge şaqırdı.

Britan prem'er ministriniñ sözinen keyin, Resey SİM-i Wlıbritaniyanıñ EO-dan şığudağı küş-jigerin arttıru üşin Angliyanıñ sırtqı jauı retinde qalayda bir eldi körsetui kerek degen mağınadağı jauabın joldadı.

“The Qazaq Times”