ۇلىبريتانيا رەسەيدىڭ كيبەرشابۋىل جاساعانىن مالىمدەدى

ۇلىبريتانيا ەڭ جوعارى جەلى قاۋىپسىزدىك قىزمەتى جەتەكشىسىنىڭ وكىلى مالىمدەمە جاساپ، رەسەي جاق ۇلىبريتانيانىڭ بۇقارالىق اقپارات قۇرالدارى، تەلەكوممۋنيكاتسيا جانە ەنەرگەتيكا سەكتورلارىنا كيبەرشابۋىل جاساعان. اتالعان مالىمەت ۇلىبريتانيا ۇكىمەتى جاعىنان ارنايى جاسالعانىنا قاراعاندا، كيبەرشابۋىلدىڭ كەڭ كولەمدى بولعانى انىق. بۇل تۋرالى “The Wall Street Journal” باسىلىمى حابارلادى.

ۇلىبريتانيا ەڭ جوعارى جەلى قاۋىپسىزدىك قىزمەتىنىڭ جاۋاپتى وكىلى كياران مارتين سارسەنبى كۇنى جاساعان مالىمدەمەسىندە، اگەنتتىك قىزمەتىنىڭ العاشقى جىلىندا، ۇلىبريتانيانىڭ 600-دەن استام شابۋىلعا تاپ بولعانىن جەتكىزدى. مارتين، رەسەيدەن كەلگەن شابۋىلداردىڭ ناقتى سانىن ايتپاعانىمەن، رەسەيدى جاھاندىق جەلى قاۋىپسىزدىگىنىڭ باستى قاۋپى دەپ كورسەتتى. ول سوزىندە: «رەسەي قازىرگى عالامدىق جۇيەنى بۇزۋعا تىرىسادى»، – دەدى.

ۇلىبريتانيانىڭ پرەمەر-ءمينيسترى تەرەزا مەي، اپتانىڭ باسىندا مالىمدەمە جاساپ، رەسەي جاق ۇلىبريتانيانىڭ جالپى سايلاۋىنا ارالاسۋ ارقىلى باتىس ەلدەرىنىڭ كەلىسپەۋشىلىگىن قالىپتاستىرىپ، ەركىن قوعامعا زيان كەلتىردى دەگەن.

بريتان ۇكىمەتىنىڭ ايتۋىنشا، رەسەيدىڭ دەموكراتيالىق ۇدەرىسكە تىكەلەي ارالاسقانىن دالەلدەۋ تولىق بولماي وتىر. بىراق پارلامەنت دەپۋتاتتارى ۇكىمەتكە وتكەن جىلى برەكستىڭ داۋىس بەرۋىنە قانشالىقتى اسەر ەتكەنىن انىقتاۋ ءۇشىن تەرگەۋ جۇرگىزۋگە شاقىردى.

بريتان پرەمەر ءمينيسترىنىڭ سوزىنەن كەيىن، رەسەي ءسىم-ءى ۇلىبريتانيانىڭ ەو-دان شىعۋداعى كۇش-جىگەرىن ارتتىرۋ ءۇشىن انگليانىڭ سىرتقى جاۋى رەتىندە قالايدا ءبىر ەلدى كورسەتۋى كەرەك دەگەن ماعىناداعى جاۋابىن جولدادى.

“The Qazaq Times”