Foto: vestnikkavkaza.ru

Bügin NATO-ğa müşe memleketterdiñ qorğanıs ministrleri Bryussel'de Auğanıstanda 16 jıldan beri jalğasıp kele jatqan qaqtığıstı talqılau üşin bas qosadı. Osı aptada NATO Auğanıstanğa qosımşa 3 mıñ äsker jiberip, ondağı odaqtas memleketter küşteriniñ sanın 16 mıñğa jetkizetinin habarlağan bolatın. Bwl turalı APF aqparattıq agenttigi jazdı. 

Qosımşa äsker Auğanıstan küşterin jattıqtıru, äskeri operaciyalardı wyımdastıru jäne basqaru isterine kömektesedi. NATO Auğanıstandağı jağday 2018 jılı rettele bastaytınına senim bildirdi. "Qazirdiñ özinde äueden bombılau jäne qwrlıq äskeriniñ birlesken qimıldarı Talibandıqtardıñ şeginuine äser etip otır", -  deydi wyım ökilderi.

AQŞ Prezidenti osı jılı Amerikanıñ Auğanıstandağı strategiyasın jariyalağan kezde, öz äskerin ol jaqtan Talibandıqtardı tas-talqan etip jeñbeyinşe qaytarmaytının aytqan bolatın. Memleket basşısınıñ osı sözinen keyin amerikalıq äskerilerge is-äreket erkindigi berildi. Biraq bwl mäseleniñ ekinşi twsı da bar. Endi jaudıñ közin qwrtudı maqsat etken şeteldik küşter közine tüsken aymaqtı bombalap, beybit halıqtıñ şığını artuı mümkin.

“The Qazaq Times”