Foto: RIA

AQŞ 2011 jılı qaza tapqan Al'-Kaidanıñ bwrınğı basşısı Usama Ben Ladenniñ jeke mwrağatınan tabılğan qwjattardı jariyaladı. Tegi päkistandıq, terrorlıq wyımnıñ jetekşisi öziniñ soñınan ergenderdiñ Islam dini üşin emes, amerikalıq azamattardıñ közin joyu jolındağı küreske den qoyğanın qalağan. Bwl turalı qwjattarmen jariyalanbastan bwrın tanısıp, zertteuge mümkindik alğan APF aqparattıq agenttigi jazdı. 

Ol öziniñ hattarınıñ birinde: "Negizgi nazar Amerika halqınıñ ökilderin öltiruge audarıluı kerek", - delingen. Ben Ladenniñ twlğalıq erekşelikterin aşuğa kömektesetin mıñdağan qwjattardı 2011 jılı 2 mamırdı, onı jasırınğan jerinen tauıp öltirgen AQŞ-tıñ äskerileri qolğa tüsirgen.

Amerika qolğa tüsken derekterdiñ 100-ge juığın jariyaladı. Wlttıq barlau keñsesiniñ basşısı Djeff Ançukaytistiñ mälimetinşe, terrorşı jazbaları men onıñ ömirine qatıstı qwndı qwjattar AQŞ-tıñ bwrınğı Prezidenti Barak Obamanıñ halıq aldındağı şınayılığı men Ükimettiñ aşıqtığın qamtamasız etu turalı bastamasına negizdelip, jariyalanğan.

Qwpiya qwjattar amerikalıq jurnalist Seymur Herştıñ "AQŞ-tıñ Ben Ladendi qolğa tüsiru operaciyası jalğan" degen mälimdemesinen keyin jarıqqa şıqtı. Biraq Ortalıq Barlau basqarmasınıñ ökili Rayan Trapani Ben Ladenniñ mwrağatın jariyalau jurnalist jazbasına jauap beru maqsatında bolmağanın aytadı.

“The Qazaq Times”