فوتو: ريا

اقش 2011 جىلى قازا تاپقان ال-كايدانىڭ بۇرىنعى باسشىسى ۋساما بەن لادەننىڭ جەكە مۇراعاتىنان تابىلعان قۇجاتتاردى جاريالادى. تەگى پاكىستاندىق، تەررورلىق ۇيىمنىڭ جەتەكشىسى ءوزىنىڭ سوڭىنان ەرگەندەردىڭ يسلام ءدىنى ءۇشىن ەمەس، امەريكالىق ازاماتتاردىڭ كوزىن جويۋ جولىنداعى كۇرەسكە دەن قويعانىن قالاعان. بۇل تۋرالى قۇجاتتارمەن جاريالانباستان بۇرىن تانىسىپ، زەرتتەۋگە مۇمكىندىك العان APF اقپاراتتىق اگەنتتىگى جازدى. 

ول ءوزىنىڭ حاتتارىنىڭ بىرىندە: "نەگىزگى نازار امەريكا حالقىنىڭ وكىلدەرىن ولتىرۋگە اۋدارىلۋى كەرەك", - دەلىنگەن. بەن لادەننىڭ تۇلعالىق ەرەكشەلىكتەرىن اشۋعا كومەكتەسەتىن مىڭداعان قۇجاتتاردى 2011 جىلى 2 مامىردى، ونى جاسىرىنعان جەرىنەن تاۋىپ ولتىرگەن اقش-تىڭ اسكەريلەرى قولعا تۇسىرگەن.

امەريكا قولعا تۇسكەن دەرەكتەردىڭ 100-گە جۋىعىن جاريالادى. ۇلتتىق بارلاۋ كەڭسەسىنىڭ باسشىسى دجەفف انچۋكايتيستىڭ مالىمەتىنشە، تەررورشى جازبالارى مەن ونىڭ ومىرىنە قاتىستى قۇندى قۇجاتتار اقش-تىڭ بۇرىنعى پرەزيدەنتى باراك وبامانىڭ حالىق الدىنداعى شىنايىلىعى مەن ۇكىمەتتىڭ اشىقتىعىن قامتاماسىز ەتۋ تۋرالى باستاماسىنا نەگىزدەلىپ، جاريالانعان.

قۇپيا قۇجاتتار امەريكالىق جۋرناليست سەيمۋر حەرشتىڭ "اقش-تىڭ بەن لادەندى قولعا ءتۇسىرۋ وپەراتسياسى جالعان" دەگەن مالىمدەمەسىنەن كەيىن جارىققا شىقتى. بىراق ورتالىق بارلاۋ باسقارماسىنىڭ وكىلى رايان تراپاني بەن لادەننىڭ مۇراعاتىن جاريالاۋ جۋرناليست جازباسىنا جاۋاپ بەرۋ ماقساتىندا بولماعانىن ايتادى.

“The Qazaq Times”