Üş el basşısı BWW mäjilisinde kezdesken. Foto: 新唐人.

Qwrama Ştat prezidenti Donal'd Tramptıñ Aziya-Tınıq mwhit elderindegi alğaşqı saparı Japoniyadan bastaladı. Tokioda Japoniyanıñ prem'er-ministri Şinzo Abemen kezdesip, kelissözder ötkizedi. Eki el basşılarınıñ kezdesuinde AQŞ pen Japoniya arasındağı sauda kelisimi bastı taqırıp boladı dep kütilude. Bwl turalı «People» basılımı habarladı.

Aqparat közderiniñ mälimetine qarağanda, Tramp 5 qaraşa küni Tokioğa jetip, aymaqtağı alğaşqı saparın bastaydı. Sol küni Şinzo Abe men Tramptıñ keñesi gol'f alañınan bastaladı.  6 qaraşa küni eki el ükimetiniñ joğarı därejeli kelissöz otırısı bolmaq. AQŞ jaq eki el arasında sauda-ekonomika mäselelerindegi qayşılıqtardıñ şeşim tabuına barınşa nazar audarıp otırğanın aytadı.

Japoniyanıñ prem'er-ministri Şinzo Abe biılğı jıldıñ aqpan ayında alğaş ret Tramppen kezdesken bolatın. Sol kezde ol sauda teñgeriminiñ köteriluine narazılıq bildirgen. AQŞ vice-prezidenti men Japoniyanıñ vice-prem'eri eki el arasındağı sauda kelisimdi damıtudı jartı jıl bwrın qolğa alğan edi.

Japoniya aqparat qwraldarınıñ habarına qarağanda Tramp eki el arasındağı sauda ayırbas kölemin 70 mlrd AQŞ dollarına jetkizudi ümit etedi. Degenmen, Japoniya jaq sırttan kiretin avtokölik saudasına tosqauıl qoyğan. Onsızda AQŞ avtokölikteriniñ Japoniyadağı narığı tım tömen. Al, Tramp ümit etip otırğan sauda köleminde avtokölik saudası da qamtılğan. Eki el arasındağı osınday birneşe qayşılıq aldağı kelissözde şeşim tabuı qiın bolmaq.

Ayta keteyik, Tramp bilikke kelgeli beri AQŞ-tıñ köpjaqtı sauda kelisimin barınşa tejep, eldermen ekijaqtı kelisimderdi jüzege asırudı qoldap keledi. Aziya saparı kezinde Tramp barğan eldermen sauda-ekonomikalıq kelisimderdi jüzege asıruğa tırısadı. Tek ol ğana emes, Soltüstik Koreya mäselesinde de bwl eldermen kelisimge keluge küş salatın boladı.

“The Qazaq Times”