AQŞ Prezidenti Donal'd Tramp. Foto: 112.ua

AQŞ-tağı Prezident saylauı kezinde Reseydiñ qatısımen  Facebook-ta jariyalanğan posttardı 126 mln adam oqığan. Osınday aqparat taratqan Facebook kompaniyası Reseymen baylanısı anıqtalğan azamattardıñ 2016 jılğı AQŞ-tağı Prezident saylauına deyingi jäne odan keyingi uaqıtta 80 mıñğa juıq post jariyalanğanın anıqtadı. Bwl turalı VVS aqparattıq agenttigi jazdı. 

Äleumettik jeliden tabılğan 80 mıñ post 2015 jıldıñ mausımı men 2017 jıldıñ tamız ayları aralığında Kreml'ge jaqın Resey kompaniyalarınıñ atınan jariyalanğan. Olardıñ basım böligi äleumettik jäne sayasi iritki saluğa bağıttalğan.

Resey osığan deyin de AQŞ-tağı Prezident saylauına qatısı joqtığın aytqan edi. Donal'd Tramp ta Mäskeumen baylanısı barın joqqa şığarıp keldi. Amerikadağı Prezident saylauı boyınşa täuelsiz zertteu jürgizgen Robert Myullerdiñ bastamasımen Donal'd Tramptıñ saylau kampaniyasına kömektesken eki azamatqa ayıp tağıldı. AQŞ-tıñ qazirgi Prezidentiniñ jaqın kömekşileriniñ tağı biri osı düysenbi küni osıdan bwrın jalğan mälimet bergenin jariyalap, kinäsin moyındadı. Onıñ osığan deyin Reseyge qatısı bar twlğalarmen kezdeskeni anıqtalğan bolatın. Ol bwl kezdesuleriniñ jeke maqsatta äri Donal'd Tramptıñ jwmıs tobına qosılmay twrıp bolğanın aytqan edi. Al endi Prezidenttiñ bwrınğı kömekşisi kezdesulerdiñ Donal'd Tramptıñ saylau aldı kampaniyası kezinde bolğanın mälimdegen.

“The Qazaq Times”